YOSUA 15:45 - KITTA' MATANGKASA'

⁴⁵ Kammayatompa Ekron siagang kota-kota ca'di siagang desa-desana,

YOSUA 15:45 ပူးပေါင်းရင်းမြစ်များ

AMOS 1:8

Pandudu'na siagang pamarentana kota Asdod kammayatompa Askelon laKupabellai. Kota Ekron laKuhukkungi, siagang sikontu tu Filistin tassesaya laKupanraki.”

ZEFANYA 2:4

Ri kota Gaza tena manna sitau lanipasalama'. Askelon lasinoi tena bonena. Pandudu'na Asdod lanibongkai lalang pa'bundukang ti'ring battua ri tangngana alloa, siagang pandudu' Ekron lanisuroi a'lampa battu ri kotana ke'nanga.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

YOSUA 15:11

Battu ri Timna, anjo garisi' pa'baeng-baenga a'lampa mangei ri bageang warakkanna Moncong Ekron, nampa a'lekko mange ri Sikron, allalo ri Moncong Baala, tulusu' mange ri Yabneel, nampa kala'busang ri Tamparang Tangngaya,

YOSUA 15:46

sikontu kota-kota siagang desa-desa niaka ri ampi'na Asdod, battu ri Ekron sa'genna mange ri Tamparang Tangngaya.

YOSUA 19:43

Elon, Timna, Ekron,

1 SAMUEL 5:10

Jari niantara'mi anjo Patti Parjanjianga mange ri Ekron, kotana Filistin maraenganga. Battuna anjo pattia anjoreng, ammarrammi panduduka anjoreng angkana, “Nierangi anjo Patti ParjanjianNa Allata'alana Israel untu' ambuno ngasengki'.”

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.