YOSUA 15:21 - KITTA' MATANGKASA'

^21-32 Kota-kota kaminang bellaya ri bageang timboro', a'jaria buttana suku Yehuda iamintu niaka ri pa'baeng-baenna Edom, yangasenna nia' ruampulo assalapang kota kammayatompa desa-desa niaka ri tammulilina. Anjo kota-kotaya iamintu: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriot-Hezron (iamintu Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain, siagang Rimon.

YOSUA 15:21 ပူးပေါင်းရင်းမြစ်များ

PA'JARIANG 35:21

Le'baki anjo napannarrusu'mi jappana Yakub, nampa appaenteng kema ri se'reang tampa' allaloa ri menara niarenga Eder.

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

1 PATTOTTORANG 4:28

Sa'genna narapi' jammanna Karaeng Daud, ia turungang battua ri Simeon niaki ammantang ri kota-kota: Bersyeba, Molada, Hazar-Sual,

NEHEMIA 11:25

Jai ra'yaka ammantang ri kota-kota assiampika siagang kokonna ke'nanga. Siapa are tu battu ri suku Yehuda ammantang ri daera alla'na Bersyeba bageang timborang siagang Ka'bung Hinom bageang wara'. Ammantangi ke'nanga ri kota-kota siagang desa-desa ri tammulilina iamintu: Kiryat-Arba, Dibon, Yekabzeel, Yesua, Molada, Bet-Pelet, Hazar-Sual, Bersyeba, Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

MARKUS 3:8

battu ri Yerusalem, battu ri daera Idumea, battu ri daera rayanganna Binanga Yordan, kammayatompa battu ri kota-kota a'reppeseka ri Tirus siagang Sidon. Battu ngasemmi mae ri Isa, lanri nalangngere'mi ke'nanga sikamma apa le'baka Nagaukang.

YOSUA 15:20

Iaminne butta nipassareanga mae ri kaluarga-kaluarga niaka lalang ri suku Yehuda untu' a'jari pisakana ke'nanga.

YOSUA 19:1

Pambageang makaruaya iamintu butta pambageanna kaluarga-kaluarga niaka lalang ri suku Simeon. Pa'baeng-baenna buttana ke'nanga antamaki sa'genna pa'baeng-baenna buttana suku Yehuda.