YOSUA 15:19 - KITTA' MATANGKASA'

¹⁹ Appialimi Akhsa angkana, “Erokka' siapa are timbuseng je'ne', nasaba' anjo butta kipassareanga mae ri nakke anjorengi ri daera kalotoroka.” Jari napassareammi Kaleb mae ri ia timbuseng je'ne' niaka ri bageang rate siagang ri bageang ulu binangaya.

YOSUA 15:19 ပူးပေါင်းရင်းမြစ်များ

PA'JARIANG 12:9

Nampa napatulusu' pole jappana battu ri anjo tampaka mange ri tampa' maraengannaya, ri bageang timboranna butta Kanaan.

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

2 KORINTUS 9:5

Iaminjo saba'na naparallu kusuro a'lampa riolo anjo ke'nanga mae ri kau, angngurusuki anjo sumbangang le'baka nupa'janjiang. Kammami anjo kugaukang sollanna punna battua' sallang, sadiami anjo sumbangannu. Lanri kammana, a'nassami angkanaya tena nabattala' passangalinna te'nei pa'mai'nu ampassareangi anjo sumbanganga.

PAOLE 33:7

Ri sesena suku Yehuda nakana: “O, Batara, Kipilangngeri ke'nanga punna makkio', sollanna asse're ke'nanga siagang suku maraenga. Kibantui ke'nanga barjuang angngewai musunna ri parang pa'bundukanga.”

YOSUA 15:18

Ri allo pa'buntinganna ke'nanga, nasuro tojemmi Otniel anjo Akhsa untu' appala' sisapa' butta battu ri manggena. Jari naummi Akhsa battu ri keledaina; nampa akkuta'nammi Kaleb mae ri ia angkana apa nakaeroki.

YOSUA 15:20

Iaminne butta nipassareanga mae ri kaluarga-kaluarga niaka lalang ri suku Yehuda untu' a'jari pisakana ke'nanga.

1 SAMUEL 25:27

Kitarimami anne passare naeranga atanta untu' karaengku siagang ana' buana karaengku.