YOSUA 14:9 - KITTA' MATANGKASA'

⁹ Na lanri kammana anjo, a'janjimi Musa mae ri nakke angkanaya anjo butta le'baka kujappai mattantu lanipassareangi mae ri nakke siagang ana'-anakku a'jari butta pisakana ikambe sa'genna satunggu-tungguna.

YOSUA 14:9 ပူးပေါင်းရင်းမြစ်များ

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAOLE 1:36

I Kalebji bawang, ana'na Yefune lantama', lanri tuli majarre'na tappa'na mae ri Nakke. LaKupassareangi mae ri Kaleb siagang jari-jarina anjo pa'rasangang le'baka a'la'ba' najappai.’

PAOLE 11:24

Sikontu daera naonjoka bangkennu la'jari nupatangi. Ia daeranu iamintu battu ri parang lompo bageang timboro' sa'genna mange ri Moncong Libanon bageang wara', kammayatompa battu ri Binanga Efrat ri bageang iraya sa'genna mange ri Tamparang Tangngaya ri bageang ilau'.

YOSUA 1:3

Le'ba'mi Kupau mae ri Musa angkanaya sikontu anjo butta naonjoka bangkennu le'ba'mi Kupassareang mae ri kau siagang sikontu ummakKu.

YOSUA 14:10

Kamma-kamma anne patampulomi allima taung baku' le'ba'na Napau Batara anjo passalaka mae ri Musa. Anjo kajariangi ri wattu sitabanna a'jappa alla'bang bansa Israel ri parang kassika. Na kamma le'baka nipa'janjiang ri Batara, le'ba'ma' Nala'langngi Batara sa'gengku attallasa' ija sa'genna kamma-kamma anne. Ciniki, kamma-kamma anne sagantuju pulomi allima taung umurukku,

HAKING-HAKING 1:20

Nipassareammi kota Hebron mae ri Kaleb situru' parentana Musa. Saba'na kariolo nia' tallu golongang turunganna Enak le'ba' nabongka Kaleb assulu' battu ri anjo kotaya.