YOSUA 14:11 - KITTA' MATANGKASA'

¹¹ mingka gassingija' sangkamma ri wattungku nisuro ri Musa. Gassingiji tubuku untu' a'bundu' yareka anggaukangi jama-jamang apa mamo.

YOSUA 14:11 ပူးပေါင်းရင်းမြစ်များ

PAMMUJI 103:5

Ia ampassukkuki katallassannu siagang kabajikang, sa'gennu tanaallea toa sanrapang jangang-jangang rajawali.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PAOLE 31:2

angkana, “Kamma-kamma anne sibilangngammi anruampulo taung umurukku siagang tenamo nakukkulle a'jari pamimping mae ri kau ngaseng. Pantaranganna anjo, le'ba'mi pole Nakana Batara mae ri nakke angkanaya takkullea' allimbangi Binanga Yordan.

PAOLE 33:25

Nila'langngi pakke'bu' lompo tambaga siagang bassi kota-kotana sollanna tuli salewangang tojeng-tojeng lalang tallasa'na.”

PAOLE 34:7

Sibilangngang anruampulo taung umuru'na Musa namate. Tena nakurang kagassinganna siagang baji' iji paccini'na.

YOSUA 14:10

Kamma-kamma anne patampulomi allima taung baku' le'ba'na Napau Batara anjo passalaka mae ri Musa. Anjo kajariangi ri wattu sitabanna a'jappa alla'bang bansa Israel ri parang kassika. Na kamma le'baka nipa'janjiang ri Batara, le'ba'ma' Nala'langngi Batara sa'gengku attallasa' ija sa'genna kamma-kamma anne. Ciniki, kamma-kamma anne sagantuju pulomi allima taung umurukku,