YOSUA 14:1 - KITTA' MATANGKASA'

¹ Iaminne carita ri passala'na antekamma batena nibage-bage pa'rasangang Kanaan niaka ri laukanna Binanga Yordan mae ri umma' Israel. Ambage-bageai anjo buttaya mae ri umma' Israel iamintu Imang Eleazar, Yosua ana'na Nun, siagang kapala-kapala kaluarga niaka lalang ri suku-suku bansa Israel.

YOSUA 14:1 ပူးပေါင်းရင်းမြစ်များ

EZRA 7:5

Abisua Pinehas Eleazar Imang Lompoa Harun.

YEHEZKIEL 45:1

Ri tenanapa nibage-bagei anjo buttaya untu' a'jari butta pisaka mae ri tunggala' sukua, musti nisa'laki se're bageang untu' Batara. La'buna anjo tampaka musti 12,5 kilometere', siagang sangkara'na 10 kilometere'. Sikontu anjo tampaka nipa'jari matangkasaki.

PAMMILANGNGANG 34:13

Nakanamo Musa mae ri bansa Israel, “Iaminjo butta lanutarimaya, iamintu punna nugoccang kamma loterei; butta mustia nubage mange ri salapang assitangnga suku bansa Israel situru' parentaNa Batara.

PAMMILANGNGANG 34:16

Nakana Batara mae ri Musa,

LAMPA-LAMPANA 13:19

Tuju bansa maraeng nabeta Nabunduki ri butta Kanaan. Nampa Nabage-bage Allata'ala anjo butta Kanaan mange ri bansa Israel, sollanna nakammai anjo buttaya.

PAOLE 12:10

Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 19:51

Kammaminjo batena Imang Eleazar, Yosua ana'na Nun siagang sikamma kapala kaluarga niaka lalang ri suku-suku bansa Israel ambage-bagei buttaya ri anjo pa'rasanganga. Ammuangi loterei ke'nanga untu' appala' pangngunju' battu ri Batara. Anjorengi ri Silo nagaukang ke'nanga anjo kammaya, ri dallekang pakke'bu' KemaNa Batara. Jari le'ba'mi anjo pambageang buttaya.

YOSUA 21:1

Ri se'reang allo sikamma kapala kaluargaya lalang ri suku Lewi a'lampai mange ri Silo ri pa'rasangang Kanaan, nampa andallekang ri Imang Eleazar, ri Yosua ana'na Nun, siagang ri sikamma kapala kaluargana sikontu suku-suku bansa Israel. Angkanami ke'nanga, “Tete ri Musa, Naparentakangi Batara sollanna ikambe anne sikamma tu Lewia, nisareki' kota-kota untu' tampa' pammantangngang siagang tampa' parang ri tammulilina anjo kota-kotaya untu' pangnganreang olo'-olo' piarana ikambe.”