YOSUA 13:4 - KITTA' MATANGKASA'

⁴ Kammayatompa musti nialle iji iamintu: sikontu daera Kanaan siagang Meara (daerana bansa Sidon), sa'genna mange ri Afek ri pa'baeng-baenna daera bansa Amori;

YOSUA 13:4 ပူးပေါင်းရင်းမြစ်များ

1 KARAENG-KARAENG 20:26

Ri wattu appakkaramulanamo accu'la sikamma poko'-pokoka, napagio'mi tantarana battu ri kota Afek untu' ammajui tu Israel.

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

YEHEZKIEL 16:3

Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

AMOS 2:10

Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 11:3

Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

YOSUA 19:30

Uma, Afek, siagang Rehob. Kabusu'na anjo daeraya nia' ruampulo kota siagang sikamma desa-desa niaka ri tammulilina.

1 SAMUEL 4:1

Anjo wattua napagio' ngasemmi tu Filistin sikontu tantarana untu' ambunduki Israel. Lanri kammana majumi tantara Israel ri pa'bundukanga. Appare'mi kema ke'nanga ri ampi'na Eben-Haezer. Na tantarana tu Filistin appareki kema ri Afek.