YOSUA 13:27 - KITTA' MATANGKASA'

²⁷ Ri Lappara'na Yordan anjo daerana suku Gad anjo antamaki Bet-Haram, Bet-Nimra, Sukot, siagang Zafon, iamintu sesa daera kakoasanna Karaeng Sihon ri Hesybon. Pa'baeng-baenna bageang lau'na daera suku Gad iamintu Binanga Yordan sa'genna mange ri Tamparang Galilea ri bageang wara'.

YOSUA 13:27 ပူးပေါင်းရင်းမြစ်များ

PA'JARIANG 33:17

Mingka Yakub a'lampami mange ri Sukot, nampa ambangung balla' untu' kalenna siagang tampa' pa'la'langanna olo'-olo'na. Lanri kammana minjo na naaremmo anjo tampaka Sukot.

1 KARAENG-KARAENG 7:46

Yangasenna anjo barang-baranga nasuro pareki karaenga anjoreng ri tampa' papparekanna ri Lappara' Yordan, niaka ri alla'na Sukot siagang Sartan.

PAMMUJI 60:6

Kipakaingaki tau mappilangngeria, sollanna ta'lappasa' ke'nanga battu ri hukkunganga.

PAMMILANGNGANG 32:3

“Buttana kota-kota Atarot, Dibon, Yaezer, Nimra, Hesybon, Eleale, Sebam, Nebo siagang Beon ia naempoiamo Israel lanri bantuanNa Batara, sanna' baji'na untu' nipammarakai olo'-olo'. Na lanri jai duduna olo'-olo'na ikambe,

PAMMILANGNGANG 32:36

Bet-Nimra, siagang Bet-Haran, salaku kota-kota ammake tembo' kalli' siagang salaku tampa' bara-barana gimbalaka.

PAMMILANGNGANG 34:11

Battu anjoreng na naung mange ri Ribla ri bageang rayanganna Ain, nampa tulusu' mange ri bulu'-buluka ri biring rayanganna Tamparang Galilea,

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

PAOLE 3:17

Ri bageang ilau', daerana ke'nanga narapiki sa'genna ri Binanga Yordan, battu ri Tamparang Galilea bageang wara' sa'genna ri Tamparang Matea ri bageang timboro', tulusu' sa'genna ri bangkeng Moncong Pisga ri bageang iraya.

YOSUA 11:2

mange ri karaeng-karaeng niaka ri pa'moncongang bageang wara', ri Ka'bunna Yordan ri bageang timboranna Galilea, ri daera pa'moncongang, siagang ri daera biring tamparanga ri ampi'na Dor.

YOSUA 12:3

kammayatompa antama' tongi daera Ka'bung Yordan bageang iraya, battu ri Tamparang Galilea a'lampa timboro' sa'genna mange ri Bet-Yesimot (ri rayanganna Tamparang Matea), tulusu' mange ri bangkenna Moncong Pisga.

YOSUA 13:26

daera battua ri Hesybon sa'genna mange ri Ramat-Mizpa siagang Betonim, kammayatompa daera battua ri Mahanaim sa'genna mange ri pa'baeng-baenna Lodebar, yangasenna anjo antama tongi daera untu' suku Gad.

YOSUA 13:28

Iaminjo kota-kota siagang desa-desa nipassareanga mae ri kaluarga-kaluarga niaka lalang ri suku Gad untu' a'jari butta pisakana ke'nanga.