YOSUA 10:41 - KITTA' MATANGKASA'

⁴¹ Nabetai Yosua daera-daera battua ri Kades-Barnea ri bageang timboro' sa'genna mange ri Gaza ri ampi'na daera biring tamparanga, kammayatompa sikontu daera Gosyen, tulusu' sa'genna mange ri Gibeon bageang wara'.

YOSUA 10:41 ပူးပေါင်းရင်းမြစ်များ

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

ZAKHARIA 9:5

Kota Askelon siagang Gaza lanaciniki anjo kajarianga sa'genna a'jari malla'. Lanacini' tongi Ekron na tappela'mo sikontu panrannuanna. Gaza latappelaki karaenna, siagang Askelon la'jari sinoi tena bonena.

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

PAMMILANGNGANG 32:8

Kamma tomminjo panggaukanna sikamma bapa'nu, ri wattunna kusuro ke'nanga battu ri Kades-Barnea untu' anjappai anjo pa'rasanganga.

PAMMILANGNGANG 34:4

a'lekko timboro' mange ri Oloang Akrabim siagang tulusu' mange ri Zin sa'genna mange ri Kades-Barnea ri bageang timboro'. Battu anjoreng a'lekko kalau' sike'de' sa'genna mange ri Hazar-Adar, na tulusu' mange ri Azmon.

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

PAOLE 9:23

Nampa ri wattunnu nisuro ri Batara ambokoi Kades-Barnea untu' maju siagang mange ampammantangngi butta laNapassareanga mae ri kau, nutumpaki parentaNa Karaeng Allata'alanu; taerokako tappa' yareka mannuruki mae ri Ia.

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

YOSUA 10:2

Teaimi sipato' malla'na pandudu'na Yerusalem, nasaba' anjo Gibeon kota lompo; sangkammai lompona siagang kota-kota niaka karaenna, ba'lalo lompoangangi nakota Ai. Manna taunna sangnging tau barani siagang tau cara'de' a'bundu'.

YOSUA 11:16

Naalle ngasengi Yosua anjo pa'rasanganga – daera pa'moncongang, daera bangkeng moncong, baji' niaka ri bageang wara' kammayatompa niaka ri bageang timboro'; kammayatompa sikontu daera Gosyen siagang daera parang kalotoroka ri bageang timboro'na Gosyen, siagang Ka'bung Yordan.

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

HAKING-HAKING 16:1

Ri se'reang allo a'lampami Simson mae ri Gaza. Anjoreng assigappai siagang sitau baine sala. Nampa mangemo assikantinroang siagang anjo bainea.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.