YOSUA 10:40 - KITTA' MATANGKASA'

⁴⁰ Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 10:40 ပူးပေါင်းရင်းမြစ်များ

1 KARAENG-KARAENG 15:29

Tasalloai Baesa a'jari karaeng, nabunomi sikontu kaluargana Yerobeam. Situru' apa le'baka Napau Batara tete ri atanNa, Na'bi Ahia battu ri Silo, nanibuno ngasemmo sikontu kaluargana Yerobeam, manna sitau tania' lappasa'.

NEHEMIA 9:24

Turunganna ke'nanga nabetai butta Kanaan; Kipatunduki pandudu' niaka anjoreng. Kisarei koasa ummatTa angngalle tindakang situru' ero'na ri bansa-bansa Kanaan siagang sikamma karaenna.

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.

KALAPPASSANG 34:12

Teako appareki parjanjiang siagang sikamma tau niaka anjoreng ri pa'rasangang nubattuia, nasaba' anjo kammaya akkullei a'jari sikko' angngerangako mae ri kamateanga.

PAMMILANGNGANG 13:17

Ri wattunna nasuro Musa a'lampa ke'nanga, appasangi mae ri ke'nanga angkana, “A'jappa a'lampa warakko, mange ri bageang timboranna butta Kanaan, nampa turusko mange ri daera a'bontoa.

PAOLE 1:7

Kamma-kamma anne bongkara'mi kemanu nampa a'lampako mange ri daera monconna tu Amori siagang mange ri sikontu daera niaka ri tammulilina, iamintu Ka'bung Yordan, daera bulu'-buluka siagang lapparaka, daera bageang timboroka siagang birinna Tamparang Tangngaya. A'lampa mako mange ampammantangngi butta Kanaan siagang daera Monconna Libanon sa'genna mange ri binanga lompona Efrat.

PAOLE 2:34

Anjo memang wattua niallemi siagang niancuru'mi sikamma kotaya kammayatompa nibunomi sikontu pandudu'na, bura'ne, baine siagang ana'-ana'. Tena niboli' attallasa'.

PAOLE 7:24

LaNapassareangi sikamma karaenna ke'nanga mae ri kau. Lanubunoi ke'nanga, nampa nikaluppaimo arenna ke'nanga. Tena manna sitau akkulle attahang andallekangko; anjo ke'nanga lanuancuru' ngasengi.

YOSUA 10:35

Ia memanji anjo alloa nanaalle Eglon, siagang nabuno sikontu tau niaka anjoreng sangkamma nagaukanga ke'nanga ri Lakhis.

YOSUA 10:37

siagang naalle anjo kotaya. Nabunomi karaenna siagang sikamma tau niaka anjoreng ri kotaya kammayatompa ri kota-kota maraenga ia niaka ri tammulilina. Naancuru' taba sikalimi Yosua anjo kotaya sangkamma nagaukanga mae ri kota Eglon. Tena manna sitau nalappassang attallasa' anjoreng.

YOSUA 10:39

Naallemi Yosua anjo kotaya siagang karaenna kammayatompa sikontu kota maraeng niaka ri tammulilina. Nibuno kabusuki taua anjoreng. Nagaukammi Yosua mae ri Debir siagang karaenna sangkamma apa le'baka nagaukang mae ri Hebron siagang Libna kammayatompa karaenna.

YOSUA 11:16

Naalle ngasengi Yosua anjo pa'rasanganga – daera pa'moncongang, daera bangkeng moncong, baji' niaka ri bageang wara' kammayatompa niaka ri bageang timboro'; kammayatompa sikontu daera Gosyen siagang daera parang kalotoroka ri bageang timboro'na Gosyen, siagang Ka'bung Yordan.

YOSUA 12:8

Anjo daeraya iamintu daera pa'moncongang, daera bangkeng bulu' bageang laukang, Ka'bung Yordan siagang daera bangkeng bulu'na, daera-daera pungku'na monconga ri bageang iraya, siagang daera parang lompo ri bageang timboro'. Anjo daera-daeraya le'ba' pammantanganna bansa Het, Amori, Kanaan, Feris, Hewi siagang Yebus.

YOSUA 18:21

Kota-kota napatanga kaluarga-kaluarga niaka lalang ri suku Benyamin, kabusu'na nia' sampulo anrua kota siagang desa-desa niaka ri tammulilina, iamintu: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni, siagang Geba.

YOSUA 6:17

Sikontu kotaya siagang sikontu bonena musti niancuru' taba sikali salaku passare mae ri Batara. Poro iajinjo bawang Rahab, iamintu anjo baine pagau' bawanga siagang sikamma bija pammanakanna akkulle nilappassang attallasa', lanri le'ba'na nabantu mata-matata.

YOSUA 8:2

Ai siagang karaenna nupareki nupasangkamma Yerikho siagang karaenna riolo. Mingka kamma-kamma anne, akkullei nualle barang-baranna siagang olo'-olo'na untu' nukammai. Sadia-sadia mako untu' ambunduki silalonnai anjo kotaya battu ri boko.”

YOSUA 8:27

Sikamma olo'-oloka siagang barang-barang niallea ri anjo kotaya, naallei tu Israel a'jari barang-baranna, situru' apa Napaua Batara mae ri Yosua.

YOSUA 9:24

Appialimi ke'nanga angkana, “Nappakamma anjo ikambe lanri nalangngere'namo ikambe angkanaya anjo Karaeng Allata'ala kisombaya le'ba'mi Nasuro Musa, anjo atanNa, ampassareangi mae ri katte sikontu anne pa'rasanganga siagang ambunoi sikontu pandudu'na ri wattunna kialle anjo buttaya. Malla' dudumi ikambe angkana gassingka kibunoi ikambe; iaminjo saba'na nanagaukang ikambe sikammaya anne.