YOSUA 10:35 - KITTA' MATANGKASA'

³⁵ Ia memanji anjo alloa nanaalle Eglon, siagang nabuno sikontu tau niaka anjoreng sangkamma nagaukanga ke'nanga ri Lakhis.

YOSUA 10:35 ပူးပေါင်းရင်းမြစ်များ

AYUB 19:10

Nalappassangngia' battu ri kere-keremae, sanrapang tau ambi'bu aka' lamung-lamung, nampa Nabolikka' ta'ronang na kalumeng, kammaminjo bateku Naalleang sikontu panrannuangku.

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

YOSUA 10:34

Le'baki anjo, majumi Yosua siagang tantarana battu ri Lakhis mange ri Eglon, nampa nalipung siagang nabunduki anjo kotaya.

YOSUA 10:36

Battu ri Eglon, angngambiki Yosua siagang tantarana ri pa'monconganga nampa a'lampa mange ri kota Hebron, nampa nabunduki

YOSUA 10:37

siagang naalle anjo kotaya. Nabunomi karaenna siagang sikamma tau niaka anjoreng ri kotaya kammayatompa ri kota-kota maraenga ia niaka ri tammulilina. Naancuru' taba sikalimi Yosua anjo kotaya sangkamma nagaukanga mae ri kota Eglon. Tena manna sitau nalappassang attallasa' anjoreng.