YOSUA 10:32 - KITTA' MATANGKASA'

³² Nisaremi pammetang ri Batara tu Israel mae ri Lakhis lalang pa'bundukang ri allo makaruaya. Apa nagaukang ke'nanga ri Libna, kamma tomminjo nagaukang ke'nanga ri Lakhis; tena manna sitau nilappassang attallasa', yangasenna nibunoi.

YOSUA 10:32 ပူးပေါင်းရင်းမြစ်များ

KALAPPASSANG 17:13

Kale'bakkanna nibetami tu Amalek ri Yosua.

YESAYA 37:8

Anggappai kabara' anjo perwira tantara Asyur angkanaya a'lampami karaenna ambokoi Lakhis na sitabang ambundu' siagang kota Libna, tena nabella battu ri anjo tampaka. Jari a'lampami mange anjoreng untu' assicini' siagang anjo karaenna.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:31

Nampa maju Yosua siagang tantarana battu ri Libna mange ri Lakhis. Nalipummi ke'nanga anjo kotaya nampa nabunduki.

YOSUA 10:33

Battui Horam, iamintu karaeng ri Gezer ambantui Lakhis, mingka nibeta tongi siagang tantarana ri Yosua; tena manna sitau ammantang, kabusu'na mate ngasengi.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.