YOSUA 10:30 - KITTA' MATANGKASA'

³⁰ Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 10:30 ပူးပေါင်းရင်းမြစ်များ

2 KARAENG-KARAENG 10:11

Nampa nabuno Yehu sikontu bija pammanakanna Ahab maraenga niaka ammantang ri Yizreel, kammayatompa sikontu pagawena, agang-agang baji'na, siagang imang-imanna; tena manna sitau nalappassang attallasa'.

PAMMILANGNGANG 32:22

sa'genna niallemo anjo pa'rasanganga, akkulle mako ammotere'; ta'lappasa' mako battu ri kawajibannu mae ri Batara siagang mae ri sikamma sari'battannu, kammayatompa laNasareang mako Batara anjo butta niaka iraya anne untu' ikau ampatangi.

PAOLE 2:33

Mingka nipassareammi anjo karaenga mae ri katte ri Karaeng Allata'alata, sa'genna nibetamo siagang ana'-ana'na kammayatompa sikontu tantarana.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:29

Le'baki anjo, a'gio'mi Yosua siagang tantarana turus battu ri Makeda mange ri Libna nampa nabunduki Libna.

YOSUA 10:31

Nampa maju Yosua siagang tantarana battu ri Libna mange ri Lakhis. Nalipummi ke'nanga anjo kotaya nampa nabunduki.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 8:24

Le'ba'na pasukang Israel nabuno ngaseng tantara musu angngondangai ke'nanga ri parang kalotoroka, ammotere'mi ke'nanga mange ri Ai, nampa nabuno sikontu tau niaka anjoreng.

YOSUA 8:29

Karaenna anjo kotaya nagentungi ri se'reang benteng, nampa nalappassang ammantang anjoreng sa'genna karueng. Ri wattunna labu alloa, nasuromi Yosua taua angngallei anjo mayaka nampa napela' ri dallekang pakke'bu' lompona kotaya. Nampa nitambungi anjo tampaka siagang jai sikali batu. Anjo batu-batua nia' iji anjoreng sa'genna kamma-kamma anne.

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.