YOSUA 10:29 - KITTA' MATANGKASA'

²⁹ Le'baki anjo, a'gio'mi Yosua siagang tantarana turus battu ri Makeda mange ri Libna nampa nabunduki Libna.

YOSUA 10:29 ပူးပေါင်းရင်းမြစ်များ

2 KARAENG-KARAENG 19:8

Anggappai kabara' anjo panglimana tantara Asyur angkanaya a'lampami karaenna ambokoi Lakhis siagang sitabangi a'bundu' sipa'baliang tau niaka ri kota Libna, tena nabella battu ri anjo tampaka. Jari a'lampami anjo perwiraya mange anjoreng untu' assigappa anjo karaenna.

2 KARAENG-KARAENG 8:22

Appakkaramula anjo wattua tenamo natundu' Edom ri Yehuda. Ia todong anjo wattua nangngewa tommo Libna.

2 PATTOTTORANG 21:10

Baku'na anjo wattua tenamo natundu' Edom mae ri Yehuda. Iatommi anjo wattua nangngewa tommo taua ri kota Libna. Kajariang ngasengi anjo sikammaya lanri Yehoram nabokoimi Batara, Allata'ala, nisombaya ri boe-boena.

YESAYA 37:8

Anggappai kabara' anjo perwira tantara Asyur angkanaya a'lampami karaenna ambokoi Lakhis na sitabang ambundu' siagang kota Libna, tena nabella battu ri anjo tampaka. Jari a'lampami mange anjoreng untu' assicini' siagang anjo karaenna.

YEREMIA 52:1

Zedekia ruampulo asse're taung umuru'na ri wattunna a'jari karaeng ri Yehuda. Sampuloi asse're taung sallona ammarenta ri Yerusalem. Amma'na niarengi Hamutal, ana'na Yeremia battu ri kota Libna.

YOSUA 10:28

Anjo alloa nabundukimi Yosua kota Makeda, na nabetamo anjo kotaya siagang karaenna. Nabuno ngasemmi sikontu pandudu'na; tena manna sitau nilappassang attallasa'. Nagaukammi Yosua mae ri anjo karaeng Makeda sangkamma apa le'baka nagaukang mae ri karaeng Yerikho.

YOSUA 10:30

Nisare tommi pammetang tu Israel ri Batara mange ri anjo kotaya siagang karaenna. Tena manna sitau nilappassang attallasa'; sikontu tau niaka ri anjo kotaya nibuno ngasengi. Nagaukammi Yosua mae ri anjo karaeng Libna sangkamma apa le'baka nagaukang mae ri karaeng Yerikho.

YOSUA 15:42

Kammayatompa salapang kota siagang desa-desa niaka ri tammulilina, iamintu: Libna, Eter, Asan, Yiftah, Asna, Nezib, Kehila, Akhzib siagang Maresa.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

YOSUA 8:2

Ai siagang karaenna nupareki nupasangkamma Yerikho siagang karaenna riolo. Mingka kamma-kamma anne, akkullei nualle barang-baranna siagang olo'-olo'na untu' nukammai. Sadia-sadia mako untu' ambunduki silalonnai anjo kotaya battu ri boko.”

YOSUA 8:29

Karaenna anjo kotaya nagentungi ri se'reang benteng, nampa nalappassang ammantang anjoreng sa'genna karueng. Ri wattunna labu alloa, nasuromi Yosua taua angngallei anjo mayaka nampa napela' ri dallekang pakke'bu' lompona kotaya. Nampa nitambungi anjo tampaka siagang jai sikali batu. Anjo batu-batua nia' iji anjoreng sa'genna kamma-kamma anne.