YOSUA 10:26 - KITTA' MATANGKASA'

²⁶ Nampa nabuno Yosua anjo limaya karaeng nagentung ri lima benteng. Niboli'mi maya'na anjoreng sa'genna karueng.

YOSUA 10:26 ပူးပေါင်းရင်းမြစ်များ

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

2 SAMUEL 21:9

Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

ESTER 2:23

Nisalidikimi anjo passalaka, nampa a'nyatamo angkana kammatojengi anjo kabaraka. Nihukkummi iamintu mate nigentummi anjo tau ruaya. Situru' parentana karaenga, nicata'mi anjo kajarianga antama' ri kitta' riwaya' kakaraenganga.

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

PAMMUJI 18:41

Kipalari musungku battu ri nakke; Kipa'jari possoki sikamma tau mangngabirissia ri nakke.

PAMMILANGNGANG 25:4

Nakanamo mae ri Musa, “Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya.”

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

YOHANES 19:31

Taerokai pamarentana tu Yahudia amboliki ammantang ta'gentung maya'na anjo tau le'baka nisalli' ri allo Pammari-marianga. La'biangampa pole nasaba' anjo allo Pammari-marianga sitabang tongi Allo Lompona Allo Pammari-marianga. Lanri anjo nisalli'Na Isa tenapa narapiki allo Pammari-marianga, appala' paramisimi tu Yahudia mae ri Pilatus sollanna akkulle natepo' ke'nanga bangkenna anjo tau le'baka nisalli', siagang nipanaung maya'na battu rate ri anjo kayu sallika.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

YOSUA 8:29

Karaenna anjo kotaya nagentungi ri se'reang benteng, nampa nalappassang ammantang anjoreng sa'genna karueng. Ri wattunna labu alloa, nasuromi Yosua taua angngallei anjo mayaka nampa napela' ri dallekang pakke'bu' lompona kotaya. Nampa nitambungi anjo tampaka siagang jai sikali batu. Anjo batu-batua nia' iji anjoreng sa'genna kamma-kamma anne.

HAKING-HAKING 8:21

Nakanamo Zebah siagang Salmuna, “Mae mako! Punna bura'neko lima kannanu ambunoi ikambe!” Jari nibunomi ke'nanga ri Gideon. Nampa naalle ngaseng Gideon belo-belo niaka ri kallong untana ke'nanga.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.