YOSUA 10:20 - KITTA' MATANGKASA'

²⁰ Nabunomi Yosua siagang tu Israel tu Amoria, mingka nia' todong ri ke'nanga lari mange ri kotana ke'nanga, sa'genna tena nibunoi.

YOSUA 10:20 ပူးပေါင်းရင်းမြစ်များ

2 SAMUEL 20:6

Nampa nakanamo karaenga mae ri Abisai, “Anjo Seba la'bi lanasusaiki' na Absalom. Lanri kammana anjo erangi ana' buaku nampa nuondang, sollanna tena naempoi kota-kota niaka pattahanganna, nampa akkulle lari battu ri katte.”

1 KARAENG-KARAENG 20:21

Amminawang tongi Karaeng Ahab a'bundu', na naancuru' kareta-kareta pa'bundukanna musua siagang nabuno jaranna. Anjo alloa nibeta lompoi tu Siria.

2 PATTOTTORANG 13:17

Ammeta lompoi Abia siagang pasukanna mae ri tu Israel; nia' 500.000 pasukanna Israel kaminang bajika mate.

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

PAOLE 20:16

Mingka punna anjo kotaya niaki lalang ri daera Napassareanga Karaeng Allata'ala mae ri kau, sikontu pandudu'na musti nibunoi.

YOSUA 10:10

Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

YOSUA 10:19

mingka teako ammantangngi anjoreng. Ondangi turus, bunduki ke'nanga battu ri boko; teako lappassangi ke'nanga antama ri kota-kotana ke'nanga! Le'ba'mi Napattantu laNapassareang Karaeng Allata'alanu pammetanga ri kau mae ri ke'nanga.”

YOSUA 10:21

Nampa ammotere' ngasemmo tantarana Yosua siagang salama' mange ri Yosua ri pakkemaanga ri Makeda. Tena manna sitau ri anjo pa'rasanganga barani akkana angngewai tu Israel.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 8:24

Le'ba'na pasukang Israel nabuno ngaseng tantara musu angngondangai ke'nanga ri parang kalotoroka, ammotere'mi ke'nanga mange ri Ai, nampa nabuno sikontu tau niaka anjoreng.