YOSUA 10:14 - KITTA' MATANGKASA'

¹⁴ Tale'bakai kajariang siagang tena le'bakai lakajariang se'rea allo kamma anjo, angkanaya napinawangi Batara ero'na rupataua. Niaki Batara angngagangi tu Israel a'bundu'!

YOSUA 10:14 ပူးပေါင်းရင်းမြစ်များ

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

YESAYA 38:8

Anjo taun-taunna mataalloa untu' a'jari pannanrai wattu bate pare'na Ahas, lammunduruki taun-taunga sa'genna sampulo garisi'.” Jari ammunduru'mi anjo taun-taunga sampulo garisi'.

ZAKHARIA 14:3

Nampa lamaju Batara untu' a'bundu' angngewai anjo bansa-bansaya, sangkamma le'baka Nagaukang ri jammang riolo.

LUKAS 17:6

Appialimi Batara Isa Nakana, “Punna nia' tappa'nu manna sillompoja lisere'na sawi-sawia, akkulleko angkana ri anjo poko' kayua, ‘Ta'bi'bukko na nuattimbo ri tamparanga,’ mattantu lanapilangngeri kanannu anjo poko' kayua.”

PAOLE 1:30

Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

YOSUA 10:15

Le'baki anjo pa'bundukanga, asse'remi ammotere' Yosua siagang tantarana ri pakkemaanga ri Gilgal.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 23:3

Le'ba'mi kucini' ngaseng sikontu apa Nagaukanga Karaeng Allata'alanu mae ri sikontu bansa niaka anrinni lanri untu' ikau ngaseng. KalenNa Karaeng Allata'alanu barjuang untu' ikau.