YOSUA 1:16 - KITTA' MATANGKASA'

¹⁶ Jari appialimi suku Ruben, Gad siagang bageruanna suku Manasye, angkana, “Apa-apa mamo nuparentakang mae ri kambe, tena tanagaukanna ikambe; siagang manna kemae nusuro a'lampa ikambe, tena ta'lampana ikambe.

YOSUA 1:16 ပူးပေါင်းရင်းမြစ်များ

EZRA 10:4

Ikattemi musti angngalle tindakang. Nampa ikambe lambantuki' sipakkulle-kullena ikambe. Terassi tojeng-tojengi tindakanta.”

PAMMILANGNGANG 32:25

Nampa nakanamo tu Gad siagang tu Ruben, “Bapa', lanagaukangi ikambe anjo apa naparentakanga Bapa'.

PAMMILANGNGANG 32:31

Appialimi tu Gad siagang tu Ruben angkana, “Lanagaukangi ikambe apa Naparentakanga Batara, bapa'.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

PAOLE 5:27

Lanri kammana anjo, a'lampa mako Musa, pilangngeri sikontu apa Napaua Karaeng Allata'alata, nampa pabattui sallang mae ri kambe anjo apa Napaua mae ri kau. Lanapilangngeri ikambe siagang mannuruki ikambe.’

TITUS 3:1

Piu'rangiangi anggota-anggota jama'anu sollanna mappilangngeri mae ri pamimping-pamimpinga siagang mae ri tau anna'galaka koasa ri pa'rasanganga; kammayatompa mannuruki siagang sadia anggaukangi sikamma kabajikanga.

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 1:17

Lamannuruki ikambe mae ri kau, sangkamma todong tuli mannurukinna ikambe mae ri Musa. Dasi-dasi naNarurungangko Karaeng Allata'alanu sangkamma todong Narurunganna Musa!