YOHANES 9:6 - KITTA' MATANGKASA'

⁶ Le'baki akkana kamma Isa, appi'rumi naung ri buttaya, nampa Naleo' anjo pi'runNa siagang buttaya. Nampa Napasapu mange ri matanna anjo taua,

YOHANES 9:6 ပူးပေါင်းရင်းမြစ်များ

YESAYA 35:5

Anjo wattua tau butaya lakkullei accini', na tau tongoloka lakkullei allangngere'.

MARKUS 7:33

Naerammi Isa anjo taua a'lampa akkale-kale, nampa Napamange karemenNa ri tolinna anjo taua. Nampa appi'ru na Najama lilana anjo taua.

MARKUS 8:23

Jari Nata'gala'mi Isa limanna anjo tau butaya naNarenreng assulu' battu ri anjo kotaya. Nampa Napi'rui Isa matanna anjo taua. Napadongkoki limanNa ri matanna anjo taua, nampa akkuta'nang ri ia Nakana, “Akkulle mako accini' apa-apa kamma-kamma anne?”

YOHANES 9:11

Appialimi angkana, “Anjo tau niarenga Isa appare' peo' sike'de', nampa Napasapu ri matangku, na Nakana, ‘A'lampamako ambissai rupannu ri Balang Siloam.’ Jari a'lampama'. Na ri wattunna kubissai rupangku, akkullema' accini'.”

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.