YOHANES 9:3 - KITTA' MATANGKASA'

³ Appialimi Isa Nakana, “Teai lanri dosana yareka lanri dosana tau toana nabuta, passangalinna sollanna akkulle nacini' taua antekamma gau' makoasaNa Allata'ala a'nyata lalang ri kalenna anne taua.

YOHANES 9:3 ပူးပေါင်းရင်းမြစ်များ

AYUB 21:27

Memang, kuassengi apa nupikkirika ngaseng siagang sikontu kaja'dallang nurancanga.

AYUB 32:3

Larro tongi mae ri anjo tallua aganna Ayub, lanri tenana nakkulle nageakki kana-kananna Ayub, manna pole nasalakanja ke'nanga anjo Ayub.

AYUB 42:7

Le'ba'na a'bicara Batara mae ri Ayub, Nakanamo Batara mae ri Elifas, “LarroA' ri kau siagang ruaya agannu, lanri teai apa sitojennaya nupau ri KalengKu. Mingka atangKu Ayub tena nakamma anjo.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

YOHANES 11:4

Nalangngere'na Isa anjo kabaraka, Nakanamo, “Anjo garringa tena nala'jari saba' nalamate. Anne nakajariang sollanna nipakala'biri' Allata'ala, na sollanna nipakala'biri' todong Ana'Na Allata'ala saba' anne kajarianga.”

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

LAMPA-LAMPANA 4:21

Takkulleami anggappa alasang manna sirupa anjo anggota-anggota sidanga ri pangadelanga, untu' anghukkungi Petrus siagang Yohanes. Jari nagaratta'mi ke'nanga anjo tau ruaya, nampa nalappassang, nasaba' ammuji-muji ri Allata'ala tau jaia passabakkang anjo kajarianga.

1 YOHANES 4:16

Niassemmi siagang tappa' maki' mae ri pangngamaseanNa Allata'ala mae ri katte. Anjo Allata'ala Iami mangngamaseang. Inai-nai nikoasai katallassanna ri pangngamaseang, iaminjo taua asse're katallassanna mae ri Allata'ala, siagang asse'remi Allata'ala mae ri katallassanna.

1 YOHANES 4:9

Napa'nyatami pangngamaseanNa Allata'ala lalang ri atinta, lanri Nasuromi Ana' sitau-tauNa untu' antama' ri linoa sollanna akkulle nigappa katallassanga tete ri anjo Ana'Na.