YOHANES 9:11 - KITTA' MATANGKASA'

¹¹ Appialimi angkana, “Anjo tau niarenga Isa appare' peo' sike'de', nampa Napasapu ri matangku, na Nakana, ‘A'lampamako ambissai rupannu ri Balang Siloam.’ Jari a'lampama'. Na ri wattunna kubissai rupangku, akkullema' accini'.”

YOHANES 9:11 ပူးပေါင်းရင်းမြစ်များ

YEREMIA 36:17

Nampa akkuta'nang ke'nanga angkana, “Coba sai pauang ikambe antekamma batenu antulisi' ngasengi anne. Apaka Yeremia ampauangko?”

LUKAS 13:4

Jari antekamma anjo tau sampuloa assagantuju, matea todong ri balang Siloam ri wattunna niutungi ke'nanga ri rumbanna cappa'na manaraya? Nukana iaminjo a'jari pammatei angkanaya lompoangangi dosana ke'nanga na sikontu tau maraenga, niaka ammantang ri Yerusalem?

YOHANES 9:10

Nakanamo ke'nanga ri ia, “Antekamma kajarianna nukkulle accini'?”

YOHANES 9:12

Akkuta'nammi ke'nanga angkana, “Kemae anjo taua?” Appialimi angkana, “Tena kuassengi.”

YOHANES 9:27

Appialimi anjo taua nakana, “Le'ba' mako kucaritang ngaseng, mingka taeroka ngasengko appilangngeri. Angngapa nanuero' pole allangngereki? Barang ero' tommako amminawang ri Ia?”