YOHANES 8:55 - KITTA' MATANGKASA'

⁵⁵ mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

YOHANES 8:55 ပူးပေါင်းရင်းမြစ်များ

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 9:3

siagang tau tuli sadia a'balle-balle. Ri sikontu pa'rasangang, tena koasana katojenganga, ba'lalo kajekkonganga teai sipato' jaina. Nakana Batara, “Tena ammari-marina ummakKu anggaukangi kaja'dallanga, tena naaniA' salaku Allata'alana ke'nanga.”

HOSEA 5:4

Lanri anjo kaja'dallang nagaukanga tu Israel natakkulleamo ke'nanga ammotere' mae ri Allata'alana ke'nanga. Tassikko'mi ke'nanga ri panynyombanga mae ri barhalaya, sa'genna tenamo najampangi ke'nanga Batara.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

YOHANES 15:21

Lanagaukang ngasengi anjo kammaya mae ri kau, lanri amminawannu ri Nakke, siagang lanri tenana naassengi ke'nanga angkana inai assuroA'.

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 17:25

Bapa' maadeleka! TanaassengaKi' anne linoa, mingka iNakke KuassengKi'. Na naasseng ngaseng anne taua angkanaya iKatte assuroA' battu ri lino.

YOHANES 6:46

Mingka manna nakamma, tenanniakka tau le'ba' anciniki Manggea. Tena ruanna Ia anjo battua ri Allata'ala, le'ba' anciniki Manggea.

YOHANES 8:19

Nakanamo ke'nanga, “Kemae ManggeNu?” Appialimi Isa Nakana, “Tena nanuassengA' siagang tena nanuassengi ManggeKu. Ka'de' nanuassengA', mattantu nuasseng tommi ManggeKu.”

YOHANES 8:29

Na Ia assuroa ri Nakke, niaki angngagangA'. Tenale'baKa' nabalang parekang Kale-kalengKu, nasaba' tuli Kugaukangi apa Nakate'neanga atinNa.”

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

YOHANES 8:51

Annaba tojengi anne Kukanaya: inai-nai anturuki kanangKu tena nalamate sa'genna satunggu-tungguna.”

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

1 YOHANES 1:6

Punna nikana asse'remi katallassanta siagang Ia, mingka attallasa' ijaki' lalang ri sassanga, a'balle-balle maki', baji' lalang kana-kana kammayatompa lalang panggaukang.

1 YOHANES 2:22

Ia a'balle-ballea iamintu tau angkanaya teai Karaeng Mappasalama' Napa'janjianga Allata'ala anjo Isa. Iaminjo taua MusunNa Almasi; tena namangakui anjo Manggea siagang Anaka.

1 YOHANES 2:4

Inai-nai angkana, “Kuassengi Allata'ala,” mingka tena namappilangngeri mae ri sikamma parentaNa, a'balle-ballemi anjo taua, siagang tanaassengai Allata'ala lalang ri atinna.

1 YOHANES 5:10

Lanri kammana, inai-nai tappa' ri Ana'Na Allata'ala, natarimami anjo kasa'bianga lalang ri atinna; mingka inai-nai tena natappa' mae ri Allata'ala, nacini' paballe-ballemi Allata'ala, nasaba' tena napatappaki bicaranNa Allata'ala ri passala'na anjo Ana'Na.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.