YOHANES 8:54 - KITTA' MATANGKASA'

⁵⁴ Appialimi Isa Nakana, “Ka'de' nauntu' kala'birang KalengKu Kuboya, tena matu-matunna anjo kala'biranga. Ampakala'birikai KalengKu iamintu ManggeKu, nukanaya Allata'alanu ngaseng,

YOHANES 8:54 ပူးပေါင်းရင်းမြစ်များ

PANGNGEBARANG 25:27

Tabajikai angnganre bani jai dudu, kamma tomminjo kana appalece jai dudua.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

HOSEA 1:9

Nakana Batara ri nakke, “Arengi anjo ana'nu ‘Teai UmmakKu’, nasaba' tu Israel teai ummakKu, siagang iNakke teaiA' Allata'alana ke'nanga.”

YOHANES 17:1

Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.

YOHANES 17:5

Bapa'! Kipakala'biri'Ma' kamma-kamma anne ilalang KalenTa, situru' kala'birang le'baka nipa'jului riolo, ri wattu tenanapa nanipa'jari anne linoa.

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 5:41

Tena naKu'boya pappalece battu ri rupataua.

YOHANES 7:18

Inai-nai assare pangngajarang battu ri kalenna, anjo tau kammaya kala'birang untu' kalenna naboya. Mingka inai a'boya kala'birang untu' Ia anjo assuroai, anjo tau kammaya tau lambusu', tena balle-balle lalang ri kalenna.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

YOHANES 8:41

Panggaukanna ngaseng manggenu antu nugaukanga ngaseng todong.” Appialimi ke'nanga angkana, “Ikambe anne teaiki' ana'-ana' harang. Se'reji manggena ikambe, iamintu KalenNa Allata'ala.”

YOHANES 8:50

Teai kala'birang untu' KalengKu Kuboya. Nia' se're ampa'boyangA' kala'birangKu, na Iami langngadeli taua.

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

2 KORINTUS 10:18

Nasaba' tau akkullea nipuji iamintu tau nipujia ri Batara; teai tau ampaleceai kalenna.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

2 PETRUS 1:17

Niakki' anjoreng ri wattunna nipakalompo siagang nipakala'biri' ri Allata'ala Manggea. Anjo wattua kalangngerammi sa'ra battua ri Kaminang Makoasaya, angkanaya, “Iaminne AnakKu Kukamaseanga. Iami nakate'neang atingKu!”