YOHANES 8:40 - KITTA' MATANGKASA'

⁴⁰ Kupabattuang mako katojengang Kulangngereka battu ri Allata'ala, mingka ero' ngasengko ambunoA'. Na Abraham tena nakamma anjo panggaukanna!

YOHANES 8:40 ပူးပေါင်းရင်းမြစ်များ

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.

PAMMUJI 37:32

Tu bajika niodoki ri tu ja'dalaka a'boyai kasampatang untu' ambunoi.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 8:26

Jai iji passala' laKupau ri kau ngaseng siagang laKuadeliangko. Mingka Ia assuroA ri Nakke akkullei nipatappa'. Na Kupabattumi ri lino apa le'baka Kulangngere' battu ri Ia.”

YOHANES 8:56

Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

ROMA 4:12

A'jari tommi Abraham bapa' rohanina tau anturukiai atorang sunnaka. A'jari bapa' rohanimi ri ke'nanga, teai lanri naturukinna bawang ke'nanga atorang sunnaka, passangalinna lanri tappa'na todong ke'nanga mae ri Allata'ala, sangkamma todong Abraham ri wattunna tenapa naturuki atorang sunnaka.

GALATIA 4:16

Maka nucini' kammama' musu ri kamma-kammaya anne, lanri kupa'nassana apa tojenga mae ri kau?

GALATIA 4:29

Anjo wattua, anjo ana' nilassukanga lanri ero'Na RohNa Allata'ala lanisessai ri ana' nilassukanga lanri ero'na rupataua. Kamma tomminjo ri kamma-kammaya anne.

PAPPICINI' 12:17

A'jari sanna'mi larrona anjo nagaya mae ri anjo bainea, sa'genna a'lampa mange ambunduki sossoranna maraenga anjo bainea, iamintu sikontu tau mannurukia ri parentaNa Allata'ala, siagang a'jari sa'bia ri passala'na Isa siagang kakoasanNa.

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.