YOHANES 8:33 - KITTA' MATANGKASA'

³³ Nakanamo ke'nanga, “Ikambe anne sossorannaki' Abraham. Tenale'bakapaki' ikatte nipare' ata ri tu maraenga! Apa nataba kananNu naNuangkana, ‘Nula'jari maradeka?’ ”

YOHANES 8:33 ပူးပေါင်းရင်းမြစ်များ

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

KAIMANGNGANG 25:42

Anjo tu Israel, iami ata-atanNa Batara; Iami angngerangi ke'nanga assulu' battu ri butta Mesir, na lanri kammana anjo takkulleai ke'nanga nibalukang salaku ata.

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

LUKAS 3:8

Pappicinikammi rolong lalang ri panggaukannu, angkanaya ma'nassa toba' mako battu ri dosa-dosanu! Teako angkanai kaboe-boenu anjo Abraham. U'rangi angkanaya: Manna anne batu-batua akkulle tongi Napa'jari Allata'ala sossoranna Abraham!

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

YOHANES 8:37

Memang, Kuassenji angkanaya sossoranna ngasengko Abraham. Mingka ero' ngasengko ambunoA', lanri taerokako antarimai ajarangKu.

YOHANES 8:39

Appialimi ke'nanga angkana, “Manggena ikambe iamintu Abraham.” Nakanamo Isa, “Ebara' ana'na tojengko Abraham, tantu nugaukang tommi apa nagaukanga Abraham.

YOHANES 8:43

Apa saba'na natanupahanga apa Kupaua? Lanri tenana nuttahang allangngereki apa Kupangngajaranga.

ROMA 9:7

Tena nasikontu sossoranna Abraham a'jari ana'-ana'Na Allata'ala. Nasaba' Nakana Allata'ala ri Abraham, “Sossorannaji bawang Ishak laniareng sossorannu.”

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.