YOHANES 8:20 - KITTA' MATANGKASA'

²⁰ Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.

YOHANES 8:20 ပူးပေါင်းရင်းမြစ်များ

1 PATTOTTORANG 9:26

Mingka anjo appaka kapala pajaga tuli tugasa'na. Iami ke'nanga tanggong jawa' untu' sikamma kamara'na Balla'Na Batara siagang sikamma barang-barang nibolika lalang.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 27:6

Mangemi imang-imang kapalaya anrappungi anjo doeka. Na nakana ke'nanga, “Anne doeka, doe' cera'. Situru' atoranga ri agamaya, anne doe' kammaya takkulleai nipantama' ri pammoneang passidakkanga lalang ri Balla'Na Batara.”

MARKUS 12:41

Ri wattunna ammempo Isa ri dallekanna pammoneang passidakkaya ri Balla'Na Batara, Naciniki tasse're-se'remi taua appantama' doe' passidakka anjoreng ri pammoneang passidakkaya. Jai tau kalumanynyang appantama' doe' sijaiang.

MARKUS 12:43

Nakio'mi ana'-ana' gurunNa Isa nampa Nakana ri ke'nanga, “Parhatikangi anne: Anjo janda kasi-asia jaiangangi napantama' passidakka ri anjo pammoneang passidakkaya kala yangasenna anjo tau maraenganga.

LUKAS 20:19

Naassengi guru-guru agamaya siagang imang-imang kapalaya angkanaya kalenna ke'nanga Napitujui Isa anjo pangngebaranga. Jari ero'mi ke'nanga anjakkalaki Isa anjo wattua. Mingka mallaki ke'nanga ri anjo tau jaia.

LUKAS 21:1

Ri Balla'Na Batara, Naciniki Isa tu kalumanynyanga appantama' doe' passidakka ri pammoneang passidakkaya.

YOHANES 10:39

Usahami pole ke'nanga ero' anjakkalaki Isa, mingka ta'lappasaki Isa battu ri ke'nanga.

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

YOHANES 7:14

Attangnganamo passua'-suarranga, nia'mi antama' Isa ri Balla'Na Batara, nampa appakkaramula angngajara'.

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

YOHANES 7:44

Nia'mo ero' anjakkalaki Isa, mingka tenanniakka ero' anta'galaKi.

YOHANES 7:8

Ikau ngasemmo kalennu a'lampa mange anjoreng ri passua'-suarranga. INakke tena Ku'lampa, nasaba' untu' iNakke tanarapikapi wattungKu.”

YOHANES 8:2

Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.