YOHANES 8:18 - KITTA' MATANGKASA'

¹⁸ A'jari sa'bia ri kalengKu nia' rua – iamintu iNakke siagang Manggea, assuroA ri KalengKu.”

YOHANES 8:18 ပူးပေါင်းရင်းမြစ်များ

PAMMILANGNGANG 35:30

Lalang kara-kara pammunoanga, anjo tau nitudua salaku tau ammuno, iapa nakkulle nikana salai siagang akkulle nihukkung mate punna akkullei nipa'nassa buttina ri rua yareka la'bi tau sa'bi. Punna se'reji sa'bi tanggannakkai untu' a'jari butti angkanaya kammatojengi anjo tuduhanga.

YOHANES 10:11

INakkemi pakalawaki bajika. Ia pakalawaki bajika, napassareangi nyawana untu' katallassanna gimbala'na ngaseng.

YOHANES 10:14

INakkemi pakalawaki bajika. Sangkamma NaassengKu Manggea na Kuasseng todong Manggea, sangkamma tomminjo Kuassenna gimbalakKu ngaseng, na naasseng tongA' ke'nanga. Kupassareangi nyawaKu sollanna attallasa' ke'nanga.

YOHANES 10:30

INakke siagang Manggea se'rejA'.”

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

YOHANES 11:25

Nakanamo Isa ri Marta, “INakkemi assarea katallassang siagang ampattallasa' poleangi tau matea. Inai-nai tappa' ri Nakke iami lattallasa', manna pole namatemo.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YOHANES 8:25

Akkuta'nammi ke'nanga angkana, “InaiKo antu sitojenna?” Appialimi Isa Nakana, “Apa pole matu-matunna a'bicaraya siagang ikau ngaseng?

YOHANES 8:38

Apa Kucinika ri ManggeKu, iaminjo Kupau. Na ikau ngaseng, nugaukang tonji apa napangngajarang manggenu ri kau.”

YOHANES 8:51

Annaba tojengi anne Kukanaya: inai-nai anturuki kanangKu tena nalamate sa'genna satunggu-tungguna.”

YOHANES 8:58

Appialimi Isa Nakana, “Sitojeng-tojenna Kukana ri kau ngaseng: tenapa nanilassukangi Abraham, naKunia' memammo iNakke.”

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.