YOHANES 8:17 - KITTA' MATANGKASA'

¹⁷ Nia' tattulisi' lalang ri Hukkung napassareanga Musa angkana: Kasa'biang tojenga, iamintu kasa'biang battu ri ruaya tau.

YOHANES 8:17 ပူးပေါင်းရင်းမြစ်များ

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

PAMMILANGNGANG 35:30

Lalang kara-kara pammunoanga, anjo tau nitudua salaku tau ammuno, iapa nakkulle nikana salai siagang akkulle nihukkung mate punna akkullei nipa'nassa buttina ri rua yareka la'bi tau sa'bi. Punna se'reji sa'bi tanggannakkai untu' a'jari butti angkanaya kammatojengi anjo tuduhanga.

MATIUS 18:16

Mingka punna tena napilangngeriko, akkiokko pole se're yareka rua tau, nu'rurung mange ampauangi pole. Nasaba' nia' tattulisi' lalang ri Kittaka angkanaya, ‘Kaminang kuranna parallui rua yareka tallu tau a'jari sa'bi nampa akkulle se'rea tau nipattantu kasalanna.’

YOHANES 10:34

Appialimi Isa Nakana, “Tenaka natattulisi' lalang ri Kitta' Hukkunnu angkanaya: Nakana Allata'ala, ‘allata'ala ngasengko’?

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

2 KORINTUS 13:1

Iaminne makapintallungku battu angkunjungiko. Nia' tattulisi' lalang ri Kittaka angkanaya, “Punna nia' parkara musti nia' rua yareka tallu tau a'jari sa'bi nampa a'jari assa anjo parkaraya.”

GALATIA 3:24

Jari anjo hukkung agamaya a'jari sanrapangi pajaga mae ri kalenta, sa'genna battu Almasi ampassibajikiki' ammotere' siagang Allata'ala, lanri tappatta mae ri Almasi.

GALATIA 4:21

Inai-nai ero' attallasa' irawangang kakoasanna hukkung-hukkung agamaya, pilangngerimi anne kanangku! Erokko kupauang apa sitojenna tattulisika lalang ri Kitta' Hukkung napassareanga Musa.

PAOLE 17:6

Mingka iapa nakkulle nihukkung mate punna nia' sa'bi rua tau yareka la'bi ri ruaya tau; takkulleai nihukkung taua punna sitauji bawang a'jari sa'bi.

PAOLE 19:15

“Punna sitauji bawang sa'bi tanggannakkapi untu' ampattantui kasalanna se'rea tau nitudu; kaminang kuranna ruapi tau niparalluang untu' a'jari sa'bi ri anjo passalaka.

IBRANI 10:28

Tau tenaya namannuruki ri hukkung napassareanga Musa musti nihukkung matei, punna rua tallumo tau a'jari sa'bi ma'nassana salai.

1 YOHANES 5:9

Tappakki' mae ri kasa'bianna rupataua, mingka jarrekangangi pole kasa'bianNa Allata'ala. Na iaminjo kasa'biang le'baka Napassareang Allata'ala ri passala'na Ana'Na.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”