YOHANES 8:14 - KITTA' MATANGKASA'

¹⁴ Appialimi Isa Nakana, “Manna naiNakke tonji ansa'bi KalengKu, mingka annabai anjo kasa'biangKu; nasaba' Kuassengi angkana battu kemae kabattuangKu, siagang kemae laKulampai. Ikau tena nuassengi angkana battu kemae kabattuangKu siagang kemae laKulampai.

YOHANES 8:14 ပူးပေါင်းရင်းမြစ်များ

PANGNGEBARANG 8:7

Apa kupaua, annaba ngasengi, saba' kukabirisi balle-ballea.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

YOHANES 10:36

apa saba'na nanukana Kuhinai Allata'ala lanri Kukananaja KalengKu iNakke Ana'Na Allata'ala? Padahala' iNakkemi Napile Manggea na NasuroA' battu antama' ri linoa.

YOHANES 13:3

Naassemmi Isa angkanaya le'ba'mi Napassareang ngaseng ManggeNa sikontu koasaya mae ri KalenNa. Na Naasseng todong angkanaya Ia battui ri Allata'ala, nalammotere' poleang mae ri Allata'ala.

YOHANES 14:10

Filipus! Maka tena nutappa' angkanaya iNakke asse'reA' ri Manggea, siagang anjo Manggea asse'rei siagang iNakke? Apa Kupaua ri kau teai battu ri ero' KalengKu bawang naKupau. Manggea, tuli niaka asse're siagang KalengKu, Iami anggaukang ngasengi anjo passalaka.

YOHANES 16:28

Memang iNakke assalakKu iamintu battu ri Manggea, siagang nia'Ma' battu antama' ri linoa. Mingka kamma-kamma anne laKubokoimi anne linoa, naKuammotere' mae ri Manggea.”

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

YOHANES 5:31

Ebara' iNakke assa'bii KalengKu, takkulleai nipatappa' anjo kasa'biangKu.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 12:19

Gassingka nukana ngaseng anne siapa sallona erokka' alliliangi kasalangku mae ri kau. Sala pahang sikaliko antu. Naassengi Allata'ala angkanaya yangaseng anjo napaua ikambe situruki ero'Na Almasi. Sikontu anjo apa kigaukanga iamintu untu' ambangung ngasengi tappa'nu.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.