YOHANES 6:53 - KITTA' MATANGKASA'

⁵³ Nakanamo Isa ri ke'nanga, “Patappaki angkanaya: Punna tena nanukanrei assinNa Ana' Ma'rupataua, siagang tena nanuinungi cera'Na, takkulleako attallasa' tojeng-tojeng.

YOHANES 6:53 ပူးပေါင်းရင်းမြစ်များ

MATIUS 18:3

Nampa Nakana Isa, “Patappaki anne kanangKu! Punna a'jari kammako anne ana'-anaka, nampa mako akkulle a'jari umma'Na Allata'ala.

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

YOHANES 15:4

Tuli asse're mako mae ri Nakke, naKutuli asse're todong siagang ikau ngaseng. Takkulleai appasulu' rappo tangke-tangkea, punna tena natuli asse're mae ri poko'na. Kamma ngaseng tommako anjo; iapa nukkulle a'rappo, punna tuli asse'reko siagang iNakke.

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

YOHANES 3:36

Inai-nai ampatappaki anjo Anaka, iami langgappai katallassang satunggu-tunggua. Mingka inai-nai tamannurukia ri anjo Anaka, talanagappayai katallassanga. Iami lanihukkung ri Allata'ala sa'genna satunggu-tungguna.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

YOHANES 6:47

Assengi angkanaya: Inai-nai tappa', iami anggappai katallassang satunggu-tunggua.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

YOHANES 6:55

Nasaba' assingKumi kanre sitojennaya, siagang cerakKumi inungang sitojennaya.

YOHANES 6:62

Antekamma sallang kajarianna punna nucini' Ana' Ma'rupataua nai' ammotere' ri tampa' Nakabattuia?

1 YOHANES 5:12

Inai-nai antarimai anjo Anaka, natarimami anjo katallassanga; na inai-nai tena natarimai anjo Ana'Na Allata'ala, tenamo natarimai anjo katallassanga.

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”