YOHANES 6:49 - KITTA' MATANGKASA'

⁴⁹ Angnganrei boe-boenu kanre Napaturunga Allata'ala ri parang lompoa, namate tonja ke'nanga.

YOHANES 6:49 ပူးပေါင်းရင်းမြစ်များ

ZAKHARIA 1:5

Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

YOHANES 6:31

Boe-boena ikambe angnganrei kanre Napaturunga Allata'ala ri parang luaraka. Sangkamma tattulisika lalang ri Kittaka angkanaya, ‘Nasarei kanre ke'nanga, iamintu roti battua ri suruga.’ ”

YOHANES 6:58

Iaminne roti manurunga battu ri suruga: tena nasangkamma roti nakanrea boe-boenu. Nasaba' ri le'ba'na nakanre anjo rotia, mate tonji ke'nanga. Mingka inai-nai angkanrei anne rotia iami lattallasa' sa'genna satunggu-tungguna.”

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”