YOHANES 6:41 - KITTA' MATANGKASA'

⁴¹ Appakkaramulami a'moro-moro tu Yahudia mae ri Isa, lanri angkanaNa Isa, “INakkemi roti manurunga battu ri suruga.”

YOHANES 6:41 ပူးပေါင်းရင်းမြစ်များ

LUKAS 15:2

A'moro-moromi tu Farisia siagang guru-guru agamaya. Nakanamo ke'nanga, “Pui', anne taua natarimai siagang naagangi sipangnganreang tau kodi sipaka!”

LUKAS 19:7

Nalarro ngasemmo taua anciniki anjo passalaka. Nakanamo ke'nanga, “Pui'! A'lampai a'manaikang ri balla'na tau kodi sipaka!”

LUKAS 5:30

Nia'mo siapa are tu Farisi siagang guru-guru agama tena nasannang nyawana anciniki ke'nanga. Nakanamo ke'nanga ri ana'-ana' gurunNa Isa, “Angngapa nusipangnganreang siagang sipangnginungang ngaseng siagang pasingara' simaya kammayatompa tau kodi sipaka?”

YOHANES 1:19

Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

YOHANES 6:43

Nakanamo Isa ri ke'nanga, “Teako a'moro-moroi.

YOHANES 6:48

INakkemi roti assarea katallassang.

YOHANES 6:58

Iaminne roti manurunga battu ri suruga: tena nasangkamma roti nakanrea boe-boenu. Nasaba' ri le'ba'na nakanre anjo rotia, mate tonji ke'nanga. Mingka inai-nai angkanrei anne rotia iami lattallasa' sa'genna satunggu-tungguna.”

YOHANES 6:60

Nalangngere'namo anjo kana-kana Napabattua Isa, jaimi ana' gurunNa angkana, “Battala' sikali anne pangngajaranga. Inaimi lakkulle antarimai?”

YOHANES 6:66

Pakkaramula anjo wattua jaimi ana'-ana' gurunNa a'lampa ambokoi, siagang taerokami pole amminawang ri Ia.

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

1 KORINTUS 10:10

Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.