YOHANES 6:32 - KITTA' MATANGKASA'

³² Nakanamo Isa ri ke'nanga, “Sitojeng-tojenna, tappa' mako angkanaya, teai Musa, passangalinna ManggeKumi assareko pangngebarang roti sitojennaya, iamintu battu ratea ri suruga.

YOHANES 6:32 ပူးပေါင်းရင်းမြစ်များ

PAMMUJI 78:23

Mingka manna nakamma Naparenta tonji langika sollanna Nasungke sikamma pakke'bu'na.

KALAPPASSANG 16:4

Nakanamo Batara ri Musa, “Kamma-kamma anne lappaturungA' kanre alla'bi-la'bi rapang bosi untu' ikau ngaseng. Tunggala' allo musti appasse'reko kanre untu' siganna'na nukanre siallo. Kammaminjo bateKu ero' anso'ri ummakKu, sollanna akkulle Kuasseng angkana apaka ma'nassa mannuruki tojenji ke'nanga ri sikamma parentaKu yareka tena.

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

YOHANES 1:9

Singara' sitojennaya, assingariai sikontu rupataua, nia'mi battu ri lino.

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

YOHANES 6:31

Boe-boena ikambe angnganrei kanre Napaturunga Allata'ala ri parang luaraka. Sangkamma tattulisika lalang ri Kittaka angkanaya, ‘Nasarei kanre ke'nanga, iamintu roti battua ri suruga.’ ”

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

YOHANES 6:41

Appakkaramulami a'moro-moro tu Yahudia mae ri Isa, lanri angkanaNa Isa, “INakkemi roti manurunga battu ri suruga.”

YOHANES 6:50

Mingka takammayai anjo roti manurunga battu ri suruga; nasaba' inai-nai angkanrei anne rotia iami tena nalamate.

YOHANES 6:55

Nasaba' assingKumi kanre sitojennaya, siagang cerakKumi inungang sitojennaya.

YOHANES 6:58

Iaminne roti manurunga battu ri suruga: tena nasangkamma roti nakanrea boe-boenu. Nasaba' ri le'ba'na nakanre anjo rotia, mate tonji ke'nanga. Mingka inai-nai angkanrei anne rotia iami lattallasa' sa'genna satunggu-tungguna.”

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.