YOHANES 6:30 - KITTA' MATANGKASA'

³⁰ Nakanamo ke'nanga, “Punna kamma, apa butti akkulle Kipappicinikang sollanna akkulle tappa' ikambe mae ri Katte Bapa'? Apa laKigaukang?

YOHANES 6:30 ပူးပေါင်းရင်းမြစ်များ

1 KARAENG-KARAENG 13:3

Nakanamo pole anjo na'bia, “Anne tampa' pakkoro'bangnganga larumbangi, siagang au niaka rateanna latattumpai. Iaminjo buttina angkanaya ma'nassa Nasuroa' Batara.”

1 KARAENG-KARAENG 13:5

Ti'ring rumbammi silalonna anjo tampa' pakkoro'bangnganga siagang tattumpami auna naung ri buttaya, sangkamma le'baka napau anjo na'bia lanri parentaNa Batara.

KALAPPASSANG 4:8

Nakana Batara, “Punna taeroka tappa' ke'nanga mae ri kau, yareka tena nayaking ri le'ba'namo nacini' anjo gau' malompo makase'rea, iami anne gau' malompo makaruaya lampa'jari tappaki ke'nanga.

KALAPPASSANG 7:9

“Punna nasuroko karaenga appa'nia' gau' malompo untu' a'jari butti, suroi Harun angngallei takkanna nampa nabuang naung ri buttaya ri dallekanna karaenga. Latappinrai anjo takkanga a'jari ulara'.”

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

MARKUS 15:32

Punna ma'nassa karaenna memang tongi tu Israelka, Karaeng Mappasalamaka, baji'mi punna Napanaung KalenNa battu ri anjo kayu sallika, sollanna na nicini' nakitappa' todong ri Ia!” Kammayatompa anjo tau naaganga Isa nisalli', katuru'-turukang tommi anghinai Isa.

MARKUS 8:11

Nia' siapa are tu Farisi battu mae ri Isa, nappakkaramulamo naagang a'gea' Isa, ero' ampa'boyangi kasalang. Nasuromi ke'nanga Isa appa'nia' gau' appakalannasa', a'jari pammatei ma'nassa battu tojengi ri Allata'ala.

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 2:18

Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

YOHANES 6:14

Nacini'na tau jaia anjo gau' appakalannasa' Nagaukanga Isa, nakanamo ke'nanga, “Ma'nassa Iaminne Na'bi niminasaia labattu ri linoa!”

YOHANES 6:2

Battuna mange anjoreng jaimi tau ampinawangi, lanri nacini'na ngasemmo ke'nanga sikamma gau'-gau' appakalannasa' le'baka Nagaukang, iamintu Naballeina sikamma tau garringa sa'genna a'jari baji'.

YOHANES 6:36

“Mingka kamma le'bakamo Kupau ri kau ngaseng, manna pole nucini'Ma', mingka tena nanutappa'.

LAMPA-LAMPANA 4:30

Kipa'nyatai pannulunTa sollanna akkulle niballei tau garringa, siagang nakajariang gau'-gau' appakalannasaka, lanri koasana siagang kagassingang battua ri arenNa Isa, Ana' MatangkasatTa.”

1 KORINTUS 1:22

Tu Yahudia annuntuki gau' appakalannasa' salaku butti, kammayatompa tu Yunania naboyai lalang ri kaporeang niaka ri anne linoa.

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.