YOHANES 6:27 - KITTA' MATANGKASA'

²⁷ Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

YOHANES 6:27 ပူးပေါင်းရင်းမြစ်များ

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

PAMMUJI 40:7

Passarea siagang koro'bang nipatalaya tena Kingai, koro'bang nitunu siagang koro'bang pammopporang dosa tena Kituntuki. Mingka le'ba'ma' Kisare toli akkullea allangngereki sa'ranTa.

PANGNGEBARANG 9:5

“Umba nanipinyamangngi kanreku siagang nukasia' anggoro' kupareka.

KATO'BA 6:7

Anjamai rupataua untu' angnganre, mingka tena le'bakai sukku' pakkasia'na.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

HABAKUK 2:13

Bansa-bansa nubetaya akkaresoi natena matu-matunna resona, siagang sikontu-kontuna apa napaentenga ke'nanga cappuki nakanre pepe'. Yangasenna anjo kammaya ero'Na Batara Kaminang Koasaya.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MARKUS 1:11

Nampa nia' sa'ra Nalangngere' iamintu sa'ranNa Allata'ala battu rate ri langika angkana, “IKaumi AnakKu Kukamaseanga. IKaumi nakate'neanga atingKu.”

MARKUS 9:7

Nampa battu rammanga antongkoki ke'nanga. Na battu lalang ri rammanga, nia'mo sa'ra angkana, “Iaminne AnakKu Kukamaseanga. Pilangngerimi kananNa!”

LUKAS 3:22

na manurummo RohNa Allata'ala irateanganNa, sangkamma jangang-jangang bodobangkeng. Nampa nia' kalangngerang sa'ranNa Allata'ala battu ri suruga angkana, “IKaumi AnakKu Kukamaseanga. IKaumi ampakasannangi atingKu.”

LUKAS 9:35

Nampa nia'mo sa'ra kalangngerang battu lalang ri rammanga angkana, “Iaminne AnakKu Kupilea. Pilangngeri kananNa!”

YOHANES 10:28

Kusarei ke'nanga katallassang satunggu-tunggua, natena nalapanra' ke'nanga sa'genna satunggu-tungguna. Tena manna sitau akkulle angngalle passai ke'nanga battu ri limangKu.

YOHANES 11:42

Kuassengi angkanaya tuli Kipilangngeri pappalakKu; mingka naKupau anne, untu' ia ngaseng anne tau niaka anrinni, sollanna nakkulle tappa' ke'nanga angkanaya ma'nassa iKatte assuroA' battu.”

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

YOHANES 3:15

sollanna sikamma tau tappaka ri Ia lanagappai katallassang sitojennaya siagang mannannunganga.”

YOHANES 3:33

Inai-nai ampatappaki kasa'bianNa, iami ammangakui angkanaya ma'nassa tojengi Allata'ala.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

YOHANES 6:47

Assengi angkanaya: Inai-nai tappa', iami anggappai katallassang satunggu-tunggua.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

YOHANES 6:53

Nakanamo Isa ri ke'nanga, “Patappaki angkanaya: Punna tena nanukanrei assinNa Ana' Ma'rupataua, siagang tena nanuinungi cera'Na, takkulleako attallasa' tojeng-tojeng.

YOHANES 6:54

Inai-nai angkanrei assingKu siagang angnginungi cerakKu, nagappami katallassang satunggu-tunggua, siagang laKupabangung poleangi sallang ri Allo Kiamaka.

YOHANES 6:58

Iaminne roti manurunga battu ri suruga: tena nasangkamma roti nakanrea boe-boenu. Nasaba' ri le'ba'na nakanre anjo rotia, mate tonji ke'nanga. Mingka inai-nai angkanrei anne rotia iami lattallasa' sa'genna satunggu-tungguna.”

YOHANES 6:62

Antekamma sallang kajarianna punna nucini' Ana' Ma'rupataua nai' ammotere' ri tampa' Nakabattuia?

YOHANES 6:68

Nakanamo Simon Petrus ri Ia, “O Batara, inaimi lanamangei ikambe? Kana-kananTa assarei katallassang mannannungang.

YOHANES 8:18

A'jari sa'bia ri kalengKu nia' rua – iamintu iNakke siagang Manggea, assuroA ri KalengKu.”

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

1 KORINTUS 6:13

Nia' todong angkana, anjo kanrea untu' battang, siagang anjo battanga nipasadiai untu' napantamai kanre. Mingka anjo ruaya, iamintu kanrea siagang battanga lanipattaena ngasengi ri Allata'ala. Anjo batangkalea takkulleai nipake untu' a'gau' bawang, mingka untu' poro nipake allayani mae ri Batara. Na Batarami lamparakai anjo batangkalea.

1 KORINTUS 9:2

Punna padeng taeroka taua angngakuia' salaku tunisuroNa Allata'ala, kaminang sike'de'na ikau numangakui! Nasaba' a'jarinumo tu Karisteng, iami anjo a'jari butti angkanaya tunisuroNa memang tonga' Allata'ala.

2 KORINTUS 4:18

Nasaba' teai apa-apa kacinikanga napacciniki ikambe, passangalinna apa-apa tenaya nakacinikang. Anjo apa-apa kacinikanga poro sinampe'ji akkulle attahang; mingka anjo apa-apa tenaya nakacinikang attahangi sa'genna satunggu-tungguna.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

PAOLE 30:13

Tena todong naba'leang tamparang ammantang. Tena nuparallu akkuta'nang angkana, ‘Inai la'limbang tamparang untu' angngerangi mae ri katte sollanna akkulle nipilangngeri siagang nituruki?’

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

KOLOSE 2:22

Sikontu anjo paratoranga tassikaliji nipake ri apa-apaya natenamo matu-matunna. Anjo paratorang-paratoranga siagang pangngajarang-pangngajaranga rupatauaji ampareki.

KOLOSE 3:2

Pituju mangemi pikkirannu ri apa-apa niaka anjoreng; teako na ri apa-apa niaka ri linoa.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 12:16

Jagai sollanna tena nanunia' a'gau' sala yareka tanuanggara' bajikai katallassang rohania, sangkamma le'baka nagaukang Esau. Nabalukangi empoanna salaku ana' bungasa', passabakkang sipanne ca'di kanre.

IBRANI 4:11

Lanri kammana, mae mako nakiattojeng-tojeng usaha untu' antama' ri anjo tampa' pammari-mariang Napa'janjianga Allata'ala. Teako niakki manna sitau tanggappaya sangkamma ke'nanga riolo, lanri tenana natappa' mae ri Allata'ala.

YAKOBUS 1:11

Ri wattunna battu alloa nanitaba ri bambang sarrona, kalumemmi anjo rukuka sa'genna ru'rusu' bungana siagang tappela'mi kaga'ganna. Kamma tomminjo mae ri tau kalumanynyanga: laancuruki ri wattunna napajappa usahana.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

2 PETRUS 1:17

Niakki' anjoreng ri wattunna nipakalompo siagang nipakala'biri' ri Allata'ala Manggea. Anjo wattua kalangngerammi sa'ra battua ri Kaminang Makoasaya, angkanaya, “Iaminne AnakKu Kukamaseanga. Iami nakate'neang atingKu!”