YOHANES 6:19 - KITTA' MATANGKASA'

¹⁹ Ri wattunna narapi'mo kira-kira lima yareka annang kilometere' bellana ke'nanga nia'mi nacini' Isa battu mae ri biseanna ke'nanga, a'jappa ri tompo'na je'neka. Namalla' sikalimo ke'nanga.

YOHANES 6:19 ပူးပေါင်းရင်းမြစ်များ

AYUB 9:8

Napaka'rangi langika natena ambali; Naonjo'-onjokangi dongko'na naga tamparanga.

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 93:4

Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

YEHEZKIEL 27:26

Sikamma pabisea angngerangko mae ri tamparang luaraka. Nilappoko ri anging battu raya sannaka lompona.

YUNUS 1:13

Mingka napikulle-kullei iji sikamma ana' kappalaka ambisei anjo kappalaka mange ri bontoa. Mingka pila' a'jallo'ji bombanga, sa'genna tena matu-matunna usahana ke'nanga.

LUKAS 24:13

Ia todong anjo alloa, nia' rua ana' gurunNa Isa sitabang a'jappa mange ri se'rea desa, niarenga desa Emaus. Anjo desaya kira-kira nia' sampulo asse're kilometere' bellana battu ri Yerusalem.

LUKAS 9:42

Lalang a'jappana anjo anaka mae ri Isa, nipatappasa'mi anjo anaka ri anjo setanga, siagang a'jari ka'doro'mi kalenna. Mingka niga'gara'mi ri Isa anjo roh ja'dalaka, sollanna assulu', na'jari baji'mo anjo anaka. Nampa nipassareang anjo anaka ammotere' mange ri manggena.

YOHANES 11:18

Anjo Betania ambani ri Yerusalem, kira-kira tallu kilometere' bellana.

YOHANES 14:18

Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

YOHANES 6:18

Na anjo wattua appakkaramulami lompo bombanga napakamma anging sarro.

YOHANES 6:20

Mingka Nakanamo Isa ri ke'nanga, “Teako mallakki, kaiNakke jinne!”

PAPPICINI' 14:20

Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.

PAPPICINI' 21:16

Anjo kotaya appasagi appaki; sangkammai la'buna siagang sangkara'na. Naukkuru'mi anjo malaekaka anjo kotaya, siagang takkang pangngukkuru'na; a'nassami angkanaya 2400 kilometere' la'buna, sangkara'na siagang tinggina sangkammaji la'buna.