YOHANES 6:12 - KITTA' MATANGKASA'

¹² Le'ba'na ngasemmo ke'nanga angnganre sa'genna bassoro', Nakanamo Isa ri ana'-ana' gurunNa, “Passe're ngasengi anjo kanre alla'bia, natea niakki tappela'-pela'.”

YOHANES 6:12 ပူးပေါင်းရင်းမြစ်များ

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

NEHEMIA 9:25

Naallei ummatTa sikamma tembo' pattahanganga, butta copponga siagang balla' sangga kalumanynyanga. Sikamma bungung siagang timbuseng je'ne' narampasaki ke'nanga, koko anggoro', poko' zaitun na rappo-rappoang maraeng. Co'moki ke'nanga lanri angnganre ri ero'-ero' pa'mai'na. Sikontu passare bajitTa nakasiaki ke'nanga.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

LUKAS 1:53

Nabassori inai cipuru', battu ri kabajikanNa naNabongka tu kalumanynyang a'lampa tamangngeranga.

LUKAS 15:13

Siapa are allo ribokoanganna, nabalukammi tawana anjo ana' bungkoa, nampa a'lampa mange ri se'reang pa'rasangang bella. Anjoreng ri pa'rasanganga napa'laboammi anjo doe'na nampa assannang-sannang.

LUKAS 16:1

Nakana Isa ri ana'-ana' gurunNa, “Nia' se're tau kalumanynyang. Na nia' sitau pagawena nasarea ammolika doe' siagang angngurusukai pa'barang-baranganna. Nia'mo tau ampabattuangi angkanaya nipa'laboangi doe'na ri anjo pagawe ambolikai doe'na.

LUKAS 9:17

Angnganre ngasemmi ke'nanga sa'genna bassoro'. Nampa napasse're ana'-ana' gurunNa Isa kanre alla'bia, nia' sampulo anrua baku' jaina.

YOHANES 2:2

Niundang tongi Isa siagang ana'-ana' gurunNa mange anjoreng ri pa'buntinganga.