YOHANES 5:43 - KITTA' MATANGKASA'

⁴³ Lalang koasaNa Allata'ala naKubattu, mingka taerokako antarimA'. Mingka punna nia' tau battu lalang areng kalenna, ero'jako antarimai.

YOHANES 5:43 ပူးပေါင်းရင်းမြစ်များ

YEHEZKIEL 23:21

He Oholiba, erokko anggaukang poleangi kara'massang le'baka nugaukang ri wattu lolonu, ri wattunnu attanring-tanring siagang tu Mesir.)”

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

MATIUS 24:5

Nasaba' lajai sallang tau battu ambalukangi arengKu nakana, ‘Inakke minne Karaeng Mappasalamaka!’ Jaimi tau lanatipu ke'nanga.

YOHANES 10:25

Appialimi Isa Nakana, “Le'ba' mako Kupauang, mingka tena ngaseng nutappa'. Sikamma jama-jamang Kugaukanga lalang arenNa ManggeKu, a'jari ngasemmi butti mae ri KalengKu.

YOHANES 12:28

Bapa', Kipakala'biri'mi arenTa!” Nia'mo sa'ra kalangngerang battu rate ri langika angkana, “Kupakala'biri'mi, siagang latuli Kupakala'biriki pole.”

YOHANES 3:16

Nasaba' lanri Nakamaseang duduna Allata'ala rupataua ri lino, sa'genna Napassareammo Ana' sitau-tauNa, sollanna inai-nai tappa' ri Ia tena nalapanra', passangalinna lanagappai katallassang sitojennaya siagang mannannunganga.

YOHANES 5:42

Kuasseng ngasengko antu. Kuassengi angkanaya tena ngaseng nukamaseangi Allata'ala lalang ri atinnu.

YOHANES 6:38

Nasaba' naKunaung battu ri suruga, teai ero' KalengKu laKugaukang, passangalinna ero'Na Ia assuroA' battu, iamintu ManggeKu.

LAMPA-LAMPANA 21:38

Jari punna kamma, teai ikau anjo tu Mesir le'baka angngewai pamarentaya pirangalloang nampa lari angngerang patassa'bu tau pangaco siagang sanjata antama' ri parang lompoa?”