YOHANES 5:39 - KITTA' MATANGKASA'

³⁹ Nupilajari Kittaka lanri nupikkiriki angkanaya kammaminjo carana nanugappa katallassang mannannunganga. Na iaminjo Kittaka a'jari sa'bi ri KalengKu.

YOHANES 5:39 ပူးပေါင်းရင်းမြစ်များ

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 16:11

Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

YESAYA 34:16

Boyai siagang bacami lalang Kitta'Na Batara, niaka angkana: Tena manna se're anjo sikontu apa attallasa' nipa'jari latappela' yareka latena pasanganna. Saba' kammaminjo parentaNa Batara, siagang Ia KalenNa lampa'rappungangi ke'nanga.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

MATIUS 22:29

Appialimi Isa Nakana, “Sala pikkirang ngasengko antu. Nasaba' tena nupahangi bonena Kittaka siagang koasaNa Allata'ala.

MARKUS 10:3

Appialimi Isa Nakana, “Apa naparentakangko Musa?”

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

LUKAS 16:29

Appialimi Abraham nakana, ‘Nia'mo ri ke'nanga kitta'-kitta'na Na'bi Musa siagang kitta'-kitta'na na'bi-na'bi maraenganga! Boli'mi kamma nanaturuki ke'nanga sikamma apa tattulisika lalang ri anjo kitta'-kittaka!’

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

LUKAS 24:25

Nakanamo Isa ri ke'nanga, “Dongo' ngaseng memang tongko! Sallo sikali nampa akkulle nupatappa' sikamma apa le'baka napau na'bi-na'bia!

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 5:32

Mingka nia' tau maraeng a'jari sa'bi mae ri KalengKu, naKuasseng angkanaya kontutojengi anjo kasa'bianna.

YOHANES 5:36

Mingka lompoangangi kasa'biangKu na kasa'bianna Yohanes. Apa Kugaukanga ri kamma-kammaya anne, iamintu jama-jamang Napassuroanga Manggea mae ri Nakke, iaminjo a'jari butti, ma'nassana Manggea assuroA' battu.

YOHANES 5:40

Mingka tena ngaseng nuero' battu mae ri Nakke sollanna nugappa katallassang mannannunganga.

YOHANES 5:46

Ebara' angkana tappakko ri Musa, mattantu latappa' tommako ri Nakke, nasaba' iNakkemi nasero kana lalang ri apa le'baka natulisi'.

YOHANES 7:52

Appialimi ke'nanga angkana, “Barang tu battu tongko ri Galilea? Paressami Kittaka! Lanuassemmi angkanaya tena na'bi labattu ri Galilea.” [

LAMPA-LAMPANA 13:27

nasaba' tanapahangai tau ammantanga ri Yerusalem siagang pamimping-pamimpinna ke'nanga angkana Iaminjo Isa Karaeng Mappasalamaka. Tanapahangai ke'nanga pangngajaranna na'bi-na'bia, tuli nibacaya punna allo Pammari-mariang. Iaminjo saba'na nanabunoi ke'nanga Isa. Mingka lanri nagaukannamo anjo ke'nanga, na'jari a'rupamo apa le'baka nasero kana na'bi-na'bia riolo.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

LAMPA-LAMPANA 26:27

Tunipakala'birika Karaeng Agripa, maka tappakki' mae ri anjo apa-apa le'baka napau na'bi-na'bia? Pakkasiakku kukana tappakki' Karaeng!”

ROMA 1:2

Anjo Kabara' Bajika le'ba'mi Napa'janjiang Allata'ala ri jammang riolo, Nasuro pabattua ri na'bi-na'bia, siagang le'ba'mi tattulisi' lalang ri Kittaka.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

PAOLE 18:15

Kabalekanna lakkiringi tau battu ri bansata tonji sitau na'bi kammaya anne inakke battu mae ri kau, siagang musti mannurukiko mae ri ia.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

PAOLE 29:29

Nia' siapa are passala' Narahasiakang Karaeng Allata'ala mae ri katte; mingka le'ba'mi Napa'nyata hukkunNa mae ri katte, na ikatte siagang sikontu jari-jarita musti mannuruki mae ri anjo hukkunga sa'genna satunggu-tungguna.”

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

IBRANI 11:35

Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.

YOSUA 1:8

Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.