YOHANES 5:34 - KITTA' MATANGKASA'

³⁴ NaKupau anne, teai lanri paralluKu ri kasa'bianna rupataua, passangalinna sollannu akkulle ngaseng nipasalama'.

YOHANES 5:34 ပူးပေါင်းရင်းမြစ်များ

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

LUKAS 19:10

Nasaba' battui Ana' Ma'rupataua untu' amboyai siagang ampasalamaki tau sala oloanga.”

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 5:32

Mingka nia' tau maraeng a'jari sa'bi mae ri KalengKu, naKuasseng angkanaya kontutojengi anjo kasa'bianna.

YOHANES 5:41

Tena naKu'boya pappalece battu ri rupataua.

YOHANES 8:54

Appialimi Isa Nakana, “Ka'de' nauntu' kala'birang KalengKu Kuboya, tena matu-matunna anjo kala'biranga. Ampakala'birikai KalengKu iamintu ManggeKu, nukanaya Allata'alanu ngaseng,

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

ROMA 10:21

Mingka ri sesena bansa Israelka, nakana Na'bi Yesaya, “Kammaminne kananNa Allata'ala, ‘Sikabusu'na alloa Kupajonjo limangKu mae ri se'rea bansa kapala batua siagang tamaeroka mannuruki.’ ”

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

ROMA 3:3

Mingka antekamma punna nia' sitangnga tu Yahudi tena namajarre'? Maka iaminjo passabakkang nala'jari talajarrekamo Allata'ala?

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

1 YOHANES 5:9

Tappakki' mae ri kasa'bianna rupataua, mingka jarrekangangi pole kasa'bianNa Allata'ala. Na iaminjo kasa'biang le'baka Napassareang Allata'ala ri passala'na Ana'Na.