YOHANES 5:28 - KITTA' MATANGKASA'

²⁸ Teako lannasaki punna nulangngere' anne passalaka; nasaba' lanarapiki wattunna angkanaya lanalangngereki sikontu tau matea sa'ranNa,

YOHANES 5:28 ပူးပေါင်းရင်းမြစ်များ

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

YOHANES 3:7

Teako lannasaki punna Kukana: musti nilassukang poleang ngasengko.

YOHANES 4:21

Nakanamo Isa ri ia, “Tappa' mako angkanaya nia' se're wattu sallang natenamo nalanrinni ri bontoa, siagang tena tommo nalanjoreng ri Yerusalem, taua anynyomba ri Manggea.

YOHANES 4:23

Mingka lanarapiki wattunna, ba'lalo narapi'mi wattunna, angkanaya lanri koasaNa RohNa Allata'ala nalanynyomba taua ri Manggea salaku Allata'ala matojenga situru' Nakaerokanga Manggea.

YOHANES 5:20

Nasaba' lanri NakamaseanNa Manggea Ana'Na, jari iaminjo naNapicinikiang ngaseng sikontu apa Nagaukanga. Ba'lalo Napicinikiangi pole panggaukang-panggaukang la'bi lompoanganga, sa'gennu lannasa' ngaseng.

YOHANES 5:25

Patappaki angkanaya: Lanarapiki wattunna – ba'lalo narapi'mi wattunna – nalangngere' tau matea sa'ranNa Ana'Na Allata'ala. Na inai-nai allangngereki sa'ranNa, iami lattallasa'.

LAMPA-LAMPANA 24:15

Sangkamma ke'nanga, inakke tappa' tonja' mae ri Allata'ala, angkanaya sikontu tau matea lattallasa' poleangi ammotere' – iamintu sikamma tau bajika kammayatompa sikamma tau ja'dalaka!

LAMPA-LAMPANA 3:12

Ri wattunna nacini' Petrus anjo tau jaia, nakanamo ri ke'nanga, “E, tu Israel, angngapa nulannasa' ngaseng anciniki? Angngapa naikambe tulusu' nujanjang? Barang nukana lanri kakoasanna ikambe yareka lanri mannurukinna ikambe ri Allata'ala nakkulle a'jappa' anne taua?

1 KORINTUS 15:22

Sikontu rupataua lamate ngasengi lanri a'jari se'rena golongang siagang Adam, kamma tomminjo sikontu rupataua lanipattallasa' ngasengi ammotere' lanri a'jari se'rena golongang siagang Almasi.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.