YOHANES 5:18 - KITTA' MATANGKASA'

¹⁸ Pila' ero'mi ke'nanga ambunoi Isa, lanri akkana kammana Isa. Eroki ke'nanga ambunoi Isa, tena napassabakkang Naballeina bawang taua ri allo Pammari-marianna ke'nanga, mingka lanri Nakanana pole Isa angkanaya Bapa'Na anjo Allata'ala; jari battuanna, Napasangkammai KalenNa Allata'ala.

YOHANES 5:18 ပူးပေါင်းရင်းမြစ်များ

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

MATIUS 12:5

Yareka tale'bakapi nubaca lalang ri Kitta' Pangngatorang napabattua Musa; angkanaya imang-imang anjamaya ri allo Pammari-marianga lalang ri Balla'Na Batara nadakkai pangatorang allo Pammari-marianga, mingka tena tonja nipasalai?

YOHANES 1:19

Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

YOHANES 10:30

INakke siagang Manggea se'rejA'.”

YOHANES 10:33

Appialimi anjo tu Yahudia nakana, “Teai lanri yangasenna anjo panggaukang baji'Nu naniero' ansambilaKo batu, passangalinna lanri Nuhinana Allata'ala. Ikau a'rupatau biasaya, erokKo ampa'jari KalenNu Allata'ala?”

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

YOHANES 19:7

Appialimi tu Yahudia angkana, “Situru' undang-undang niaka ri kambe, musti nihukkung matei antu Taua, nasaba' Nakanai KalenNa Ana'Na Allata'ala.”

YOHANES 5:15

A'lampami anjo taua mange ampauangi sikamma tau anna'galaka koasa ri tu Yahudia, angkana Isa le'ba' amballei na'jari baji'.

YOHANES 5:16

Jari ero'mi ke'nanga ansessai Isa, lanri Naballeina taua ri wattunna allo Pammari-marianga.

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

YOHANES 7:1

Le'baki anjo a'lampami Isa ri kere-keremae ri pa'rasangang Galilea. Taerokai mange ri daera Yudea, lanri ero'na tukoasana tu Yahudia anjoreng ambunoi.

YOHANES 7:19

Sai le'ba'mi napassareang Musa ri kau ngaseng sikamma Naparentakanga Allata'ala? Mingka tenanniakka ri kau ngaseng anggaukangi anjo Naparentakanga. Angngapa nanuero' ngaseng ambunoA'?”

YOHANES 8:54

Appialimi Isa Nakana, “Ka'de' nauntu' kala'birang KalengKu Kuboya, tena matu-matunna anjo kala'biranga. Ampakala'birikai KalengKu iamintu ManggeKu, nukanaya Allata'alanu ngaseng,

YOHANES 8:58

Appialimi Isa Nakana, “Sitojeng-tojenna Kukana ri kau ngaseng: tenapa nanilassukangi Abraham, naKunia' memammo iNakke.”

FILIPI 2:6

Sikontutojenna sangkammai la'biri'Na siagang Allata'ala, mingka tenamo namusti Najampangi anjo kala'birang kammaya.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:3

Tena sikali lalang ri anjo kotaya apa-apa akkullea nataba pangngalarroiNa Allata'ala. Anjo empoang kala'biranNa Allata'ala siagang Ana' Gimbalaka niaki lalang ri anjo kotaya. Lanynyombami sikamma atanNa Allata'ala mae ri Allata'ala;