YOHANES 4:7 - KITTA' MATANGKASA'

^7-8 Na'lampamo ana'-ana' gurunNa Isa ammalli kanre ri kotaya. Tena nasallo, nia'mo sitau baine Samaria battu anynye'ro' je'ne'. Nakanamo Isa ri ia, “Ibu', maka akkullejA' kisare je'ne' inung?”

YOHANES 4:7 ပူးပေါင်းရင်းမြစ်များ

PA'JARIANG 24:17

Larimi anjo surona Abraham anreppesi nanakana, “Tulunga', na', saresa' je'ne' inung battu ri anjo bongkinu.”

PA'JARIANG 24:43

Tuli lammentengku anrinni ri ampi'na anne bungunga. Punna nia' se're tulolo battu untu' angngalle je'ne', lakupalaki ri ia sollanna nasarea' je'ne' inung.

1 KARAENG-KARAENG 17:10

Jari a'lampami Elia mange ri Sarfat. Ri wattunna battu mange ri pakke'bu'na anjo kotaya, nia'mo nacini' sitau janda sitabang appasse're kayu tunuang. Nakanamo Elia ri anjo jandaya, “Kitulunga' nakisaresa' je'ne' inung.”

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

YOHANES 19:28

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

YOHANES 4:6

Anjoreng nia' se're bungung, niarenga bungung Yakub. Sanna' mangnganna Isa napakamma pa'jappang. Jari assengkami ammempo ri birinna anjo bungunga. Anjo wattua kira-kira tette' sampulo anrua ri alloa.