YOHANES 4:48 - KITTA' MATANGKASA'

⁴⁸ Nakanamo Isa ri anjo pagawena karaenga, “Ka'de' tanucinika anjo gau'-gau' appakalannasa' le'baka Kugaukang, tena ngaseng nulatappa'.”

YOHANES 4:48 ပူးပေါင်းရင်းမြစ်များ

DANIEL 4:2

Erokka' ancaritai ri sesena apa appakalannasa' siagang gau' malompo le'baka Nagaukang Allata'ala Kaminang Tinggia mae ri nakke.

DANIEL 6:27

Kuparentakangi mae ri sikontu tau niaka ri daera kakaraengangku sollanna malla' siagang napakalompo Allata'ala nasombaya Daniel! Iami Allata'ala mattallasaka satunggu-tungguna, sa'genna kala'busang jammang ammarenta. Tena olona lapanra' kakaraenganNa. Tena la'busu'na kakoasanNa.

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

MATIUS 16:1

Nia' siapa are tu Farisi siagang tu Saduki battu mae ri Isa ero' ampa'boyangi kodi. Napala'mi ke'nanga sollanna appa'nia' gau' malompo na Napa'butti Isa angkanaya ma'nassa battu tojengi ri Allata'ala.

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

MATIUS 27:42

“Napasalamaki tau maraenga, na KalenNa taNakulle Napasalama'! Punna Karaennai bansa Israel, lappassammi naung battu ri sallika kamma-kamma anne, na kinampa tappa' ri Ia.

MARKUS 13:22

Nasaba' lania' sallang battu tumappasalama' balle-ballea siagang na'bi-na'bi balle-ballea. Lanapappicinikangi ke'nanga gau'-gau' appakalanna'-lannasaka sollanna akkulle annipu, na punna akkulle manna umma'Na Allata'ala lanatipu todong.

LUKAS 10:18

Appialimi Isa Nakana, “Kucini'mi Billisika tu'guru' battu rate ri langika sangkamma kila'.

LUKAS 16:31

Mingka nakanamo Abraham, ‘Punna tena najampangi apa-apa napassuroanga Na'bi Musa siagang na'bi-na'bi maraenga, mattantu tena todong nalatappa' ke'nanga, manna pole nia' tau mate attallasa' poleang mange ampakaingaki ke'nanga!’ ”

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

YOHANES 15:24

Ebara' angkana tenapa naKugaukangi apa-apa takkullea nagaukang tau maraenga ri tangnga-tangngana ke'nanga, tenaja nadoraka ke'nanga. Mingka kamma-kamma anne nacini'mi ke'nanga apa Kugaukanga, nanakabirisi ijA' siagang Manggea.

YOHANES 2:18

Battumi tau anna'galaka koasa ri tu Yahudia andallekangi Isa. Nakanamo ke'nanga, “Coba sai gaukang gau' appakalannasaka, akkullea a'jari pammatei ri ma'nassaNu siratang anggaukang ngasengi anne sikammaya.”

YOHANES 20:29

Nakanamo Isa ri ia, “Sai tappa' mako nasaba' nucini'Ma'? Mate'nei tau tappaka, mangKu tanaciniKa!”

YOHANES 4:49

Appialimi anjo pagawena karaenga, “O, Tuang, akkaro-karoKi' battu, ri tenanapa namate anakku.”

LAMPA-LAMPANA 14:3

Iaminjo saba'na nammantammo sallo-sallo Paulus siagang Barnabas anjoreng. A'bicarami ke'nanga siagang barani ri passala'na Batara. Na Napa'buttimo Batara angkanaya ma'nassa kontutojengi anjo kabara' pangngamaseanNa; Nasaremi ke'nanga koasa anggaukangi gau'-gau' appakalannasaka.

LAMPA-LAMPANA 15:12

Tenamo nania' akkana sikontu anjo tuniaka assirapakkang. Nampa napilangngerimo ke'nanga Barnabas siagang Paulus ancarita poleangi sikamma anjo gau'-gau' appakalannasa' le'baka Nagaukang Allata'ala lalang ri kalenna ke'nanga ri tangnga-tangngana bansa maraenga.

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

LAMPA-LAMPANA 2:43

Jai sikali gau'-gau' appakalannasa' nagaukang tunisuroNa Allata'ala. Sa'genna jaimi tau a'jari lannasa' siagang a'jari malla'.

LAMPA-LAMPANA 4:30

Kipa'nyatai pannulunTa sollanna akkulle niballei tau garringa, siagang nakajariang gau'-gau' appakalannasaka, lanri koasana siagang kagassingang battua ri arenNa Isa, Ana' MatangkasatTa.”

LAMPA-LAMPANA 5:12

Jaimi kajariang siagang gau' appakalannasa' kajariang ri tangnga-tangngana tau jaia, lanri jama-jamang nagaukanga tunisuroNa Allata'ala. A'julu atimi a'rappungang sikamma tau tappaka ri Kamara' Salomo, ri Balla'Na Batara.

LAMPA-LAMPANA 6:8

Anjo Stefanus sanna' nibarakkakina ri Allata'ala; sa'genna jai sikalimi gau'-gau' appakalannasa' nagaukang ri tangnga-tangngana tau jaia.

LAMPA-LAMPANA 7:36

Iaminjo Musa ampimpingi bansa Israel assulu' battu ri Mesir; iami anggaukangi anjo gau'-gau' appakalannasaka ri Mesir, ri Tamparang Ejaya, kammayatompa ri parang lompoa patampulo taung sallona.

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

1 KORINTUS 1:22

Tu Yahudia annuntuki gau' appakalannasa' salaku butti, kammayatompa tu Yunania naboyai lalang ri kaporeang niaka ri anne linoa.

2 KORINTUS 12:12

Le'ba'mi kupappicinikang mae ri kau siagang sa'bara' sikamma gau' appakalannasaka siagang gau' malompoa, yareka jama-jamang sannaka lompona; sollanna a'buttimo mae ri kau angkanaya inakke ma'nassa tunisuroNa' Allata'ala.

2 TESALONIKA 2:9

Battu ri panggaukanna Billisika nammumba anjo Tau Ja'dalaka siagang kakoasang lompona. Natipui taua nanagaukang sikamma panggaukang appakalanna'-lannasaka.

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.