YOHANES 4:45 - KITTA' MATANGKASA'

⁴⁵ Mingka ri wattunna battu mange ri Galilea, sanna'mi rannuna ngaseng atinna taua anjoreng. Nasaba' nia' tongi ke'nanga ri Yerusalem ri wattunna Allo Lompona Paskaya. Nanacini' ngasemmo ke'nanga sikamma apa le'baka Nagaukang Isa ri Yerusalem.

YOHANES 4:45 ပူးပေါင်းရင်းမြစ်များ

LUKAS 13:1

Anjo wattua nacaritami taua ri Isa passala'na siapa are tu Galilea le'baka nibuno ri Pilatus, ri wattunna assare koro'bang ke'nanga ri Allata'ala.

LUKAS 8:40

Ri wattunna battu Isa anta'leang ri ba'leanna tamparanga, battumi taua anruppai. Sanna' ngaseng rannuna ke'nanga anruppai Isa, nasaba' sitabang memangi nitayang ri ke'nanga.

LUKAS 9:53

Mingka taerokami taua anjoreng ri kamponga antarimai Isa, nasaba' a'nassa sikalimi angkanaya a'lampa mangemi ri Yerusalem.

YOHANES 2:23

Lalang ri nia'na Isa ri Yerusalem, ri wattunna allo Passua'-suarranna Paskaya, jaimi tau tappa' ri Ia lanri sikamma gau' appakalannasa' le'baka Nagaukang.

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

YOHANES 4:54

Iaminjo gau' appakalannasa' makaruaya Nagaukanga Isa ri wattunna nia' battu ri Yudea mange ri Galilea.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,