YOHANES 4:32 - KITTA' MATANGKASA'

³² Mingka appialimi Isa Nakana, “Nia' kanre ri Nakke, tenaya ngaseng nanuassengi.”

YOHANES 4:32 ပူးပေါင်းရင်းမြစ်များ

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 119:103

Tamaka te'nena kana-kananTa, te'neangngangi naje'ne' bania!

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

PANGNGEBARANG 18:20

Sikamma kana-kana nipasuluka nia' ngaseng kasia'na.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

YOHANES 4:31

Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”

YOHANES 4:33

Massing sikuta'nammi ana'-ana' gurunNa Isa angkana, “Apa nia' tau le'ba' ampangngerangangi kanre?”

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”