YOHANES 4:31 - KITTA' MATANGKASA'

³¹ Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”

YOHANES 4:31 ပူးပေါင်းရင်းမြစ်များ

PA'JARIANG 24:33

Ri wattunna nipatalamo kanrea, nakanamo anjo suroa, “Talangnganrea' rolong punna tenapa nakupabattu pappasang kueranga.” Nakanamo Laban, “Iye', kipaumi.”

MATIUS 23:7

Nangai ke'nanga punna nipakala'biri' ri pasa'-pasaraka, siagang sannang sikali punna nikio' ‘Bapa' Guru’ ri taua.

MATIUS 23:8

Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

MATIUS 26:25

Nakanamo Yudas lapung tau la'baluka, “O, Guru, tantu teaiji nakke nataba kananTa?” Nakanamo Isa, “Kamma mintu kanannu!”

MATIUS 26:49

Battuna mange anjoreng ke'nanga, mange memammi Yudas ri Isa na nakana, “Salama', Guru!” Nampa nabau Isa.

MARKUS 11:21

Nau'rangimi Petrus apa le'baka kajariang ri subangngi. Jari akkuta'nammi Petrus ri Isa nakana, “O Bapa' Guru, Kicini' sai! Matemi anjo poko' ara le'baka Kitunrai!”

MARKUS 14:45

Ri wattunna battumo Yudas, mangemi ri Isa na nakana, “O Bapa' Guru!” nampa nabau.

MARKUS 9:5

Nakanamo Petrus ri Isa, “O Pa' Guru, baji' sikali nikasia' anrinni. Bajiki punna ambangungki' tallu kema: se're untu' iKatte, se're untu' Musa, siagang se're untu' Elia.”

YOHANES 1:38

Assailemi Isa mae ri boko, na Nacini'mo ke'nanga amminawang ri Ia. Akkuta'nammi ri ke'nanga angkana, “Apa nuboya?” Appialimi ke'nanga angkana, “Ra'bi kemaeki ammantang?” (‘Ra'bi’ battuanna guru.)

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

YOHANES 11:8

Appialimi ke'nanga angkana, “O Bapa' Guru, tenapa nasallo le'batTa ero' nasambila batu tu Yahudia. Angngapa naKiero'moseng ammotere' mange anjoreng kamma-kamma anne?”

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

YOHANES 3:26

A'lampami ke'nanga mae ri Yohanes, na nakana ke'nanga, “Pa' Guru, maka kiu'rangi iji tau le'baka kiagang ri ba'leanna anjo Binanga Yordan, le'baka kipappicinikang ri kambe? Kamma-kamma anne anje'ne' tongi tau, na'lampa ngasemmo taua mange ri Ia!”

YOHANES 4:30

Nabokoimi taua anjo kotaya nampa a'lampa mae ri Isa.

YOHANES 4:32

Mingka appialimi Isa Nakana, “Nia' kanre ri Nakke, tenaya ngaseng nanuassengi.”

YOHANES 6:25

Ri wattunna assibuntulu' anjo tau jaia siagang Isa ri ba'leanna tamparanga, akkuta'nammi ke'nanga ri Isa angkana, “Ringngapanna Kibattu anrinni Pa' Guru?”

YOHANES 9:2

Akkuta'nammi ana'-ana' gurunNa Isa angkana, “Angngapa nabuta nilassukang anne taua Pa' Guru? Apa lanri dosa kalenna yareka lanri dosana anrong-manggena?”