YOHANES 4:28 - KITTA' MATANGKASA'

²⁸ Nabokoimi pammoneang je'ne'na anjo bainea anjoreng nampa lari mange ri kotaya. Nakanamo ri tau niaka anjoreng ri kotaya,

YOHANES 4:28 ပူးပေါင်းရင်းမြစ်များ

2 KARAENG-KARAENG 5:4

Nalangngere'na Naaman anjo passalaka, a'lampami mange ri karaenga nampa nacarita anjo apa le'baka napau anjo ana' bainea.

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

LUKAS 24:33

Ammentemmi linta' ke'nanga, nampa ammotere' mange ri Yerusalem. Narapikammi anjoreng sitabang a'rappungang ana'-ana' gurunNa Isa anjo sampuloa asse're, siagang maraengannaya.

LUKAS 24:9

Ammotere'na ke'nanga battu ri anjo jeraka, nacaritami anjo apa kajarianga mae ri sampuloa asse're ana' gurunNa Isa siagang sikamma tau amminawanga ri Isa.

YOHANES 4:27

Anjo wattua ammotere'mi ana'-ana' gurunNa Isa. Lannasa'mi ke'nanga nacini'na Isa a'bicara siagang anjo bainea. Mingka tenanniakka manna sitau ri ke'nanga akkuta'nang ri anjo bainea angkana, “Apa paralluta ibu'?” yareka akkuta'nang ri Isa angkana, “Angngapa naKi'bicara siagang anjo bainea Bapa'?”

YOHANES 4:29

“Umba mange anciniki tau akkullea ampauanga' sikontu apa le'baka kugaukang. Maka Iami kutadeng anjo taua Karaeng Mappasalamaka?”

YOHANES 4:7

Na'lampamo ana'-ana' gurunNa Isa ammalli kanre ri kotaya. Tena nasallo, nia'mo sitau baine Samaria battu anynye'ro' je'ne'. Nakanamo Isa ri ia, “Ibu', maka akkullejA' kisare je'ne' inung?”