YOHANES 20:30 - KITTA' MATANGKASA'

³⁰ Jai iji gau'-gau' appakalannasa' maraeng, le'baka Nagaukang Isa ri dallekanna ana'-ana' gurunNa. Mingka tena nanitulisiki lalang anrinni ri kittaka.

YOHANES 20:30 ပူးပေါင်းရင်းမြစ်များ

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YOHANES 21:25

Jai iji apa-apa maraeng Nagaukanga Isa. Mingka ebara' angkana lanitulisi' ngasengi anjo tasse're-se're, kupikkiriki angkanaya manna sibatu anne linoa tena tompa nalaganna' lanipammonei sikontu anjo kittaka punna lanitulisi' ngasengi anjo passalaka.

YOHANES 6:2

Battuna mange anjoreng jaimi tau ampinawangi, lanri nacini'na ngasemmo ke'nanga sikamma gau'-gau' appakalannasa' le'baka Nagaukang, iamintu Naballeina sikamma tau garringa sa'genna a'jari baji'.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

1 YOHANES 5:13

Kutulisi'mi anne suraka mae ri kau ngaseng tau tappaka ri Ana'Na Allata'ala, sollanna nuasseng angkanaya nutarimami anjo katallassang sitojennaya siagang mannannunganga.