YOHANES 20:27 - KITTA' MATANGKASA'

²⁷ Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

YOHANES 20:27 ပူးပေါင်းရင်းမြစ်များ

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

LUKAS 24:39

Cini'mi limangKu siagang bangkengKu. Tappa' mako angkanaya iNakkeji anne! Jamami siagang cinikimi, nasaba' setanga tena batangkalenna siagang buku-bukunna, sangkamma niaka nucini' ri Nakke.”

LUKAS 24:40

Akkana kammana Isa, Napappicinikammi limanNa siagang bangkenNa ri ke'nanga.

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”

YOHANES 20:20

Le'baki akkana kamma, Napappicinikammi limanNa siagang sa'rinNa mae ri ke'nanga. Sanna' ngasemmi rannuna ke'nanga ri wattunna nacini' Batara.

YOHANES 20:25

Nakanamo ana'-ana' gurunNa Isa maraenganga ri Tomas, “Ikambe le'ba'mi nicini' Batara!” Mingka appialimi Tomas nakana, “Punna takucinikapa bate pakua ri limanNa, natenapa nakujamai anjo bokka'Na le'baka nipaku, siagang tenapa kujappuki bokka'Na ri sa'rinNa, tena sikali kutappa'.”

YOHANES 20:28

Nakanamo Tomas ri Isa, “O Bataraku, siagang Allata'alaku!”

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.